1. Türlü müzik araçlarının verdiği sesleri ayırt etmeyi sağlayan ses özelliği.TENOR, TON, OHANG
2. Bir cismin titreşiminden çıkan sesi, başka
Qidiruv
«TINI» boʻyicha 139 ta natija
Filtr
Lugʻat turi
Lugʻat maqolalari
139 ta · 1-sahifa / 7fl. ayn. Tinmoq 1.
Izohli lugʻat
· yana 5 ta lugʻatda
ot Ishdan, harakatdan xoli vaqt yoki holat; dam, orom.
Baʼzi vaqtda, sugʻorish paytlarida, kechalari ham tinim boʻlmas, suvni uzoqdan haydab kelishga toʻgʻri kelar edi. — Oybek, Tanlangan asarlar
- Tinim bermaslik 1. Dam bermaslik, betinim holatda tutmoq. Otinoyi unga [Elmurodga] tong sahardan kechasi allavaqtgacha tinim bermasa ham, qornini hech qachon yolchitmaydi. — P. Tursun, OʻqituvchiUmarovning jangchilari dushmanga tinim bermay, izidan quvladilar. — T. Rustamov, Mangu jasoratMana bu qoʻshnimizning bolalari sira tinim bermaydi — R. Fayziy, Sen yetim emassanBu hamma vaqt boshida aylanib, tinim bermay yurgan eski oʻy edi. — M. Ismoiliy, Fargʻona tong otgunchaKeyingi kunlarda Yulduzxon Muhiddinning koʻz oldidan nari ketmaydigan, tinim bermaydigan boʻlib qoldi. — R. Fayziy, Choʻlga bahor keldi
- Tinim bilmaslik Tinim, dam olmay, doim ish, harakatda boʻlmoq. Erta sahardan to qora kechgacha odamlar tinim bilmagan ana shu kunlarning birida Qorabuloq qirgʻogʻidan biri keksa, biri yosh — ikki otliq chiqib kelaverdi. — M. Ismoiliy, Fargʻona tong otgunchaAsalari kabi oʻzbek paxtakori tinim bilmaydi. — N. Safarov, Olovli izlar
- Tinim yoʻq Toʻxtovsiz (tinimsiz) ish-harakatda. Ustanikida tong yorishgandan qosh qoraygungacha tinim yoʻq — dam bosish, bosqon urish, suv tashib, oʻtin yorish — R. Fayziy, Hazrati insonPristanda hayot qaynaydi. Ish! Hech tinim yoʻq kemachida. — E. Rahim, Yangi qadam
- Tinim kuni Tinim kuni soqoli oʻsgan Umid erta bilan gastronomga, undan keyin yopgan non olish uchun bozorga kirdi. — Mirmuhsin, Umid
- Tinim olmoq Dam olmoq, hordiq chiqarmoq. Uyga qaytganda ham, bir muddat tinim olishga imkon topmadi. — Oybek, Navoiy
Izohli lugʻat
· yana 6 ta lugʻatda
1. Loyqa va shu kabilardan xoli, ti-nigan holatli
Choʻqqilardan oqib tushgan bu soylar shishadek tiniq — Mirmuhsin, Ham-zaobod
Ariqchalarda kech kuzning tiniq suvi limillab oqadi — N. Aminov, Suvarak
2. Gard-gʻubor, xiralik va shu kabilardan xoli, ravshan koʻrinishli
Osmon har vaqtdagidek bulutlardan xoli, begʻubor, tiniq, koʻm-koʻk — M. Ismoiliy, Fargʻona tong otguncha
Radiodan dutor sadosi taralar, sehrgar kuy Temir-jonning qalbiga kirib borar, tiniq yuzida yoqimli, muloyim joziba.. uygʻotardi — J. Abdullaxonov, Oriyat
Koʻzlarining qorasi nihoyatda tiniq va oʻtli — P. Qodirov, Uch ildiz
3. Xiratik, qoʻpollikdan xoli; jarangdor (tovush, ovoz haqida)
Adolat dutorini qoʻlga oldi. Bir nafasdan keyin uning qoʻngʻiroqdek tiniq ovozi yangradi. S — Zunnunova, Gulxan
Togʻbagʻrida oʻynoqlabyugurgan jilgʻalarni eslatuvchi tiniq, jozibador sado xonani toʻldirdi — J. Abdullaxonov, Oriyat
4. koʻchma Aniq ifodali; ravshan. . . Uning xotirasi hayratda qolarli darajada boy va tinsh edi. Gazetadan
Soʻz-fikri tiniq ziyoli boʻlganingiz uchun ham biz chekayotgan ayriliq sitamini sezyapsiz — Mirmuhsin, Meʼmor
Jahonda aqli tiniq shinavanda yigitning bitasi sen-u, bittasi men — J. Abdullaxonov, Toji bilan Hoji
oʻzbekchaorom, damruschaвздохinglizchacalm
Ölüm boldï axïr tïnïš körsä sen Boqib koʻrsang oxirgi nafasing oʻlim boʻladi – Последним твоим вздохом [будет] смерть – Your last sigh will be death
oʻzbekchatirik, yashovchi, nafas oluvchiruschaживой, живущийinglizchaalive
Du‘a birlä tïnmas tïnïylï tïn-a Barcha yashovshilar Senga duo qilishdan tinmaydilar – Все живущее не перестает молиться [тебе] – All living things do not cease to pray [to you]
Izohli lugʻat
· yana 1 ta lugʻatda
sft. 1. Toʻxtovsiz ravishda, tinim bilmay.
Deraza ortida oqshom tashvishi bilan jonsarak boʻlib qolgan chumchuqlar tinimsiz chirqillardi. — Oʻ. Hoshimov, Nur borki, soya bor
Qishloqning oʻrtasidan shiddat bilan oqayotgan soy tinimsiz shovullaydi. — T. Rasulov, Shonli avlod
2. Davomli tarzdagi, uzluksiz.
Paxtachilik sharafli va masʼuliyatli kasb, u doimo dehqonlardan tinimsiz izlanishni talab qiladi. — Gazetadan
Sanʼat jasorat, jonfidolik bilan tinimsiz mehnat — mashqlar bilan dunyoga keladi. — Saodat
Izohli lugʻat
· yana 2 ta lugʻatda
ot Tiniq holat.
Osmon shu qadar begʻubor, shu qadar koʻm-koʻk koʻrinadiki, goʻyo hech qayerda bunaqa tiniqlik boʻlishi mumkin emasdek. — J. Abdullaxonov, Toʻfon
Bu suvlar oʻzining tiniqligi, shifobaxshligi kabi ustunliklari bilan ayniqsa yozning jazirama kunlari ajralib turadi. — Gazetadan
Bir yoʻla kengaytirilgan kommutatsiya sistemasi ovozda gʻoyatda yaxshi tembr va tiniqlikni hosil qiladi. — Gazetadan
Shuncha shaddodligi, fikrining tiniqligi, chaqqonligi bilan Badia Xudodbekka xotin boʻlarmikin? — Mirmuhsin, Meʼmor
Izohli lugʻat
· yana 1 ta lugʻatda
fl. 1. Charchoq, ezilish va shu kabilardan xoli boʻlib, bardam, tetik holatli boʻlmoq.
Uxla, uxla, safaring uzoq, tiniqib ol, oʻgʻlim. — Oybek, Bolalik
Ana shundan keyin bolalarning aqllarigina emas, tanlari ham sekin-sekin tiniqib bordi. M. Ismoiliy, Fargʻona tong otguncha.
2. Tiniqlashmoq (toʻgʻri va koʻchma maʼnoda).
Oʻsha-oʻsha Latofat. Sira oʻzgarmabdi. Tiniqib, xiyol toʻlishibdi. — S. Karomatov, Hijron
Fransiya, Angliya xotinlari oʻn birgacha uxlashadi, shunda yuzlari yaxshi chiroyli boʻladi, tiniqadi — Mirmuhsin, Umid
3. kam qoʻll. ayn. Tinmoq, tinimoq.
Ariqchalarning bittasida oppoq sut, bittasida tiniqqan suv bittasida sharob oqmoqda. — Fitrat, Qiyomat
- Tiniqib uxlamoq Miriqib, charchoq ketadigan (tarqaydigan) boʻlib uxlamoq. Uyqudan qolibsan, tiniqib uxlab ol, men tezda qaytib kelaman. — M. Qoriyev, Oydin kechalar
fl. Tinimoq feʼlining orttirma nisbati.
Izohli lugʻat
· yana 2 ta lugʻatda
fl. Tinmoq feʼlining birgalik nisbati.
fl. Tinitmoq feʼlining majhul nisbati.
ot 1. ayn. Tinchsizlik.
2. Doimiylik, uzluksizlik.
fl. Tiniqlamoq feʼlining majhul nisbati.
fl. Tiniqmoq feʼlining orttirma nisbati.
fl. Tinitmoq feʼlining orttirma nisbati.
Izohli lugʻat
· yana 2 ta lugʻatda
fl. Tiniq, musaffo, ravshan, toza boʻla bormoq.
Ovozi yana ham tiniqlashdi.
Anhordagi suv tiniqlashib, zilol rang kasb etgandi. — F. Musajonov, Himmat
Saidning nazarida, Bekobod osmoni tiniqlashish bilan birga kengaygandek edi. — Y. Muqimov, Olov va nihollar
Safarlar, uchrashuvlar, suhbatlarda fikring yana tiniqlashadi. — Zulfiya, Choʻqqilar
Izohli lugʻat
· yana 1 ta lugʻatda
Sira tinmaydigan, tinim bilmaydigan, serharakat, ser-tashvish.
Tinib-tinchimas ayol.
Tinib-tinchimas Meʼmor tong sururi oldida taslim boʻldi kitobini yigʻib, oʻrnidan turdi. — Mirmuhsin, Meʼmor