Hayot Foundation лойиҳаси
Лойиҳа ҳақида
Ўз
Ўз

Қидирув

«МАСЛАҲАТ» бўйича 45 та натижа

Филтр
Бўлим
Луғатлар Эртаклар Шевалар Ресурслар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча Туркча
Тилга
Ўзбекча Русча Инглизча Қорақалпоқча Немисча Франсузча Арабча Туркча

← Барча натижалар

Луғат мақолалари

45 та · 1-саҳифа / 3
маслаҳат
Изоҳли луғат · яна 6 та луғатда

от 1. Бирор ишни қандай қилиш ёки умуман нима қилиш кераклиги ҳақида ёʻл-ёʻриқ тарзидаги фикр, мулоҳаза.

Яхши маслаҳат. Маслаҳат бермоқ (қилмоқ). Маслаҳат сўрамоқ (қилмоқ).

Менинг фикримча, чигит экишда ҳосилот отанинг маслаҳатига кўниш керак эди. — Р. Файзий, Чўлга баҳор келди

Бу маслаҳат Сидиқжонга ҳам маъқул тушди. — А. Қаҳҳор, Қўшчинор чироқлари

Умид академик Отабоев ҳовлисига ҳам бир неча бор бориб, ўз ишига доир маслаҳатлар олди. — Мирмуҳсин, Умид

2. Тавсия, таклиф тарзидаги гап.

Гапга қулоқ солинг, сизга маслаҳатим — бўлар-бўлмасга куйиб-пишаверманг. — С. Сиёев, Ёруғлик

Сизга менинг маслаҳатим — Андижонда кўп турманг. — П. Қодиров, Юлдузли тунлар

3. Кенгаш, фикр олишиш.

Маслаҳат билан бўлган иш бузилмас. — Мақол

Якшанба куни қариндош-уруғлар маслаҳатга тўпланишди. — С. Сиёев, Ёруғлик

Моҳидил маслаҳат йиғинида баъзиларнинг Ҳошимжондан норози бўлганини кўз олдига келтирди. — Ж. Абдуллахонов, Тўфон

Бундоқ маслаҳат мажлисларини ҳам уюштириш ўз вазифаси деб ўйларди. — Мирмуҳсин, Меъмор

  • Маслаҳат кўрмоқ Бирор фикр-мулоҳазани маъқул топмоқ ва тавсия этмоқ. хон бу ишни маслаҳат кўрсалар, биз ёрдамга ҳозирмиз деган қуруқ ваъдалар билан жавоб мактуби олинган эди. — А. Қодирий, Ўтган кунларСиз устозга яна бирон шикоят етмаслигини ўйлаб, Хуросондан чиқиб кетишингизни маслаҳат кўрамиз. — Мирмуҳсин, Меъмор
  • Маслаҳат оши Маслаҳат ошидан кейин энг катта ва муҳим иш тўй эмас, янги уйга кўчиб кириш бўлиб қолди. — А. Қаҳҳор, Қўшчинор чироқлари
  • Маслаҳат солмоқ Маслаҳат тарзида ўз фикр мулоҳазасини айтмоқ, ўртага ташламоқ; кенгашмоқ. Кекса уста ўғилларини тўплаб, маслаҳат солди. — С. Сиёев, Аваз.Ойимга хархаша қилаверган эдим, ойим бувимга маслаҳат солди. — Ҳ. Назир, Ёнар дарё
  • Маслаҳат қилмоқ Маслаҳатлашмоқ. Аммо олти овсин ҳар куни пичирлашиб, ниманидир маслаҳат қилишарди. — С. Аҳмад, Келинлар қўзғолониҚурбон ота ўз тенгқурларини йиғиб, ишни қачон ва қандай бошлаш тўғрисида маслаҳат қилди. — А. Қаҳҳор, Қўшчинор чироқлари
  • Маслаҳатни бир ерга қўймоқ Маслаҳатлашиб, бир фикрга келмоқ. Она-бола туни билан ҳасратлашиб, охири маслаҳатни бир ерга қўядилар. — П. Турсун, Ўқитувчи.
Тўлиқ мақола →
маслаҳатли
Изоҳли луғат · яна 2 та луғатда

сфт. Маслаҳат, кенгаш билан қилинган, маслаҳатлашиб, кенгаш билан битадиган.

Маслаҳатли тўй бузилмас. — Мақол

Маслаҳатли ош ачимас. — Мақол

Маслаҳатли тўн тор келмас. — Мақол

бирор маслаҳатли иш чиқиб қолгудай бўлса, раис энг олдин Шербекка одам югуртиради. — С. Анорбоев, Оқсой

Тўлиқ мақола →
маслаҳатчи
Изоҳли луғат · яна 6 та луғатда

от 1. Маслаҳат берувчи.

Иш битгач, маслаҳатчи кўпаяди. — Мақол

Чойхонада учраган маслаҳатчилардан бири жуда ғалати одам чиқди. — П. Турсун, Ўқитувчи

Агроном — деҳқоннинг энг яқин маслаҳатчиси. — Газетадан

2. Бирор идорада, муассасада ёки бирор лавозимли шахс ҳузурида маслаҳат бериш вазифасида ишловчи ходим.

Элчихона маслаҳатчиси. Ҳарбий маслаҳатчи.

  • Халқ маслаҳатчиси Халқ маслаҳатчиларининг ваколат муддатини уч йилдан икки йилгача камайтириш мўлжалланади. — Газетадан...қайсидир суд бўлимида хотин-қизлар ва оила ишлари бўйича халқ маслаҳатчиси, жамоат қораловчиси бўлиб ишлайди. — А. Мухтор, Опа-сингиллар
Тўлиқ мақола →
маслаҳатгўй
Изоҳли луғат · яна 2 та луғатда

от Маслаҳат берувчи киши.

У... йигитдай чаққон, ҳар бир ишда маслаҳатгўй, барча катта-кичик тоға деб ҳурматлайдиган Юсвали чол эди — П. Турсун, Ўқитувчи

Бирон тайинли хулосага келолмагач, паналаб, маслаҳатгўй Азим бойваччанинг қўрғонига жўнади — С. Аҳмад, Ҳукм.

Тўлиқ мақола →
маслаҳатлашмоқ
Изоҳли луғат · яна 7 та луғатда

фл. Ўзаро ёки бирор киши билан маслаҳат қилмоқ; кенгашмоқ.

Ўқувчиларнинг қарийб ҳаммаси камбағалларнинг болалари бўлгани учун, Ғуломжон ота-онаси билан маслаҳатлашиб, уларга ҳар кун иссиқ овқат қилдириб бериб турди. — М. Исмоилий, Фарғона тонг отгунча

Ёʻлдошларим биланмаслаҳатлашай, бундан сўнг сиз жанобга ўз фикримни айтаман. — Мирмуҳсин, Меъмор.

Тўлиқ мақола →