Hayot Foundation loyihasi
Loyiha haqida
Oʻz
Oʻz

Qidiruv

«GʻIQ» boʻyicha 10 ta natija

Filtr
Boʻlim
Lugʻatlar Shevalar
Lugʻat turi
Izohli Tarjima
Tilga
Ruscha Inglizcha Qoraqalpoqcha Nemischa Turkcha

← Barcha natijalar

Lugʻat maqolalari

10 ta
gʻiq
Izohli lugʻat · yana 1 ta lugʻatda

taql. s. 1. Tomoqqa biror narsa tiqilganda, boʻgʻilganda, nafas olish qiyin boʻlganda hosil boʻladigan tovushni bildiradi.

Bemor oʻqtin-oʻqtin gʻiq etgan tovush chiqardi.

2. ayn. Gʻiyt.

Eshik gʻiq etib ochildi. Mashina gʻiq etib toʻxtadi.

  • Gʻiq etmaslik (yoki demaslik) 1. Biror ovoz chiqarmaslik, indamaslik. Ayvon toʻla xotin, hammasi oq doka roʻmolni bir yuziga tushirib, gʻiq etmay oʻtirishibdi. — A. Muxtor, Opa-singillar;Hozir ham ich-ichidan norozilik bosib kelganiga qaramay, gʻiq eta olmadi. — M. Mansurov, Yombi
Toʻliq maqola →
gʻiqillamoq
Izohli lugʻat · yana 1 ta lugʻatda

fl. Gʻiq-gʻiqetgan tovush chiqarmoq.

Shamol keskin guvullar, qari qayragʻochlar hazin gʻiqillar edi. — Oybek, Oltin vodiydan shabadalar

Tashqarida mototsiklning gʻiqillab toʻxtagani, soʻngra kimningdir yugurib kelayotgani eshitildi. — X. Toʻxtaboyev, Felyetondan soʻng

Toʻliq maqola →
boʻgʻiq
Izohli lugʻat · yana 4 ta lugʻatda

sft. 1. Boʻgʻilib, xirillab qolgan, xirildoq, aniq-tiniq emas, noaniq (ovoz haqida).

-Yoqmaydi! — dedi Anzirat alamnok, boʻgʻiq ovozda. — N. Qilichev, Quyun

— Oʻzi nima deydi, soʻradingmi? — Abdusamad amakining ovozi boʻgʻiq chiqdi. — M. Mansurov, Yombi

Yana boyadek boʻgʻiq kulgi ovozi eshitildi. — S. Karomatov, Oltin qum

2. Boʻgʻov solib toʻsilgan, biror narsa bilan boʻgʻilgan.

Keyin, bir vaqt hushimga keldim. Ogʻzim boʻgʻiq. Qalin narsaga oʻralgan-man. — Oybek, Tanlangan asarlar

3. Boʻgʻib, burib, siqib qoʻyilgan; tor.

Yoqasi boʻgʻiq koʻylak.

Katak koʻylagi, pochasi boʻgʻiq koʻk satin shalvari ozoda va oʻziga yarashgan. — H. Nazir, Soʻnmas chaqmoqlar

4. Havosi nam va buzuq, erkin nafas olib boʻlmaydigan.

Davralarning boʻgʻiq havo-sini jirkanmay shimiradilar. — Gʻ. Gʻulom, Yodgor

Biz ozdan keyin Amudaryo tomondan esgan salqin shabada boʻgʻiq havoni tarqatib yuboradi. — J. Sharipov, Xorazm

5. koʻchma Erkin yashab, ishlab boʻlmaydigan; siqiq, ziq, tang.

Xoʻjayin aytgancha, uzilmagan gul boʻlmasa ham, ruhi, qalbi bu chirkin boʻgʻiq muhitda soʻnmagan, toʻzmagan koʻrinadi. — Oybek, Tanlangan asarlar

6. Uncha ochiq boʻlmagan, xira (rang, tus haqida).

Boʻgʻiq rang. Rangi boʻgʻiq chit.

Toʻliq maqola →
yigʻiq
Izohli lugʻat · yana 5 ta lugʻatda

sft. 1. Yigʻib toʻplab qoʻyilgan, toʻplogʻlik.

Yigʻiq soch. Yigʻiq barglar.

2. Yigʻinchoq, yigʻnoq; ixcham.

Yigʻiq fikr.

  • Yigʻiq gap
Toʻliq maqola →