«Баҳори» бўйича 9 та натижа
яровой
от 1. Йилдаги тўрт фаслнинг бири, қишдан кейинги, ёздан олдинги фасл; кўклам (йилнинг март, апрель, май ойларига тўғри келади).
Эрта баҳор. Баҳор қуёши. Баҳор шамоли. Дарё сувини баҳор тоширади, Одам қадрини меҳнат оширади. — Мақол
У [Гулнор] бу кун шод, баҳор унинг нашасига нашъа, гўзаллигига гўзаллик қўшган. — Ойбек, Танланган асарлар
Баҳор жой танламас экан. — Ў. Ҳошимов, Қалбингга қулоқ сол
2. кўчма Ҳар нарсанинг (умрнинг, ҳаётнинг) яшнаган, камолга етган пайти, шундай чоғлар рамзи.
Умр баҳори. Ҳаёт баҳори. Севги баҳори. Яхши хотин — ҳамиша баҳор. — Мақол
Шу ердадир мардлик, жасорат, Шу ердадир ҳаёт баҳори. Ё. Мирзо, Ўғил меҳри.
Ахир ёшимиз кетяпти, умр баҳоримиз ўтиб, кузимиз яқинлашиб келяпти, Ҳаётхон! — М. Исмоилий, Фарғона тонг отгунча.
Ғуломжоннинг кўнглида яйраган қувонч баҳори кўзларида жавлон урди. — М. Исмоилий, Фарғона тонг отгунча
3. кўчма Умрнинг маълум қисми, муддати, ёши.
Бизнинг Нарзимиз ўзининг йигирманчи баҳорини худди шу Молдавия ерида қарши олди. — Н. Сафаров, Оловли излар
Бахтли қизим, мен ўйлаб боқсам, Икки баҳор кўрибди ёшинг. — Ё. Мирзо, Ўғил меҳри
4. кўчма Қувонч, шодлик, бахт.
Ишқингда мен баҳорлар топдим, Баҳор ичра наҳорлар топдим. — Ҳ. Олимжон
Сизда бўлган умид, ишончлар, Кунлар келар, яратар баҳор. — Ғайратий
5. кўчма Севги, муҳаббат; умид.
Кимнингдир кўнглида баҳор гуллади. Кимдир кимгадир интизор бўлди. — Ў. Ҳошимов, Қалбингга қулоқ сол
6. кўчма Севгили, маъшуқа, гўзал ёр.
Гуллаган баҳорим, сени севаман. — У. Исмоилов, Сайланма
Сўлдимикан гул чечакли баҳорим, Ҳам қишимдан, ҳам ёзимдан айрилдим. — Нурали
Хазон этмоқчи бўлмиш, ажратиб фасли баҳоримдан. — Гулдаста
7. Баҳор (хотин-қизлар исми).
сфт. 1. Баҳорда экилиб, шу йилнинг ёзида етиладиган (асосан, дон экинлари ҳақида).
Баҳорий ғалла. Баҳорий экинлар.
баҳори ғалла майсалари инсон меҳнатининг мўжизакор қудратини кўз-кўз қилиб турибди. — Назармат, Жўрлар баланд сайрайди
Аллоф баҳори арпа ўрнига кузгисини берган экан. — С. Айний, Эсдаликлар
2. Кўкламга мансуб, хос; яшил, ям-яшил
Дўстимдир пишқирган баҳорий селлар, Оҳудек талпинган ўйноқи еллар. Газетадан.
Қанотини камалак қилиб, чарх уради баҳорий қушлар. — Шарқ юлдузи
Баҳорий либос кийган бахмал чўл ўзига сайқал берган фидойиларни унутмади. Газетадан.
Уйга кириб, баҳорий ранг костюмини кийди. — С. Анорбоев, Оқсой
3. кўчма Баҳордай ёш, навқирон; мусаффо.
Қуёш васли баҳорий ҳаёт Инсон меҳри билан ошнадир. — Н. Нарзуллаев
Бу кўзларда туйғунлик, олижаноблик, кўнгилнинг баҳорий тозалиги, илиқлиги жилваланар эди. — Ойбек, Танланган асарлар
сфт. Баҳори экинларга мўлжалланган, баҳори экинлар экиладиган; суғорилмайдиган.
Баҳорикор ерлар. Баҳорикор деҳқончилик.
Баҳорикор ерларга экиладиган экинлар орасида зарур миқдорда ем бўладиган дон экинлари бўлсин. — Газетадан
Тошхўжа ўйлаб турди-да, оғилхонадан қари биясини эгарлаб чиқиб, баҳорикор қирлар томонга ёʻрттириб кетди. — А. Мухтор, Чинор
от поет. Баҳорларга макон бўлган, доимо яшнаб турган ўлка, мамлакат.
Баҳористон атадим, ўлкам, Тасвирингга бўёқ етишмас. — Т. Ражабий, Ўзбекистон
Фарғонани бир баҳористонга, бир боғистонга айлантириш учун бошланган музаффар юриш давом этяпти. — М. Мансуров, Ойдин ёʻлда
от Баҳорги экинлар экиш билан шуғулланишлик, баҳорикор деҳқончилик.
Ҳалигача баҳорикорлик раёнларида кўз кўрмаган, қулоқ эшитмаган энг юқори ҳосил олишга эришилди. — Н. Сафаров, Дон
сфт. 1. Баҳорга, кўкламга оид, баҳорда бўладиган, баҳорга мўлжалланган.
Баҳорги экинлар. Баҳорги тошқин. Баҳорги беғамлик — кузги пушаймонлик. — Мақол
Баҳорги ҳаракат — кузги баракат. — Мақол
Наврўзи олам ўлкамизга ташриф буюргандан бери, барча боғларда баҳорги ишлар қизиб кетди. — Газетадан
2. айн. Баҳори.
Баҳорги экинлар. Баҳорги ғалла.
Весенние труды приносят осеннее обилие.
погов. один весенний день год кормит.
