Hayot Foundation loyihasi
Loyiha haqida
Oʻz
Oʻz

Qidiruv

«бета» boʻyicha 61 ta natija

Filtr
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Fransuzcha Lotincha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Lotincha Turkcha

← Barcha natijalar

Lugʻat maqolalari

61 ta · 1-sahifa / 4
beta
Izohli lugʻat · yana 2 ta lugʻatda

ot 1. Yunon alifbosining ikkinchi harfi (β) va shu harfning nomi.

2. Moddaning muayyan holatini hamda maʼlum soʻzning beta-zarralar yoki beta-nurlarga aloqadorligini bildiruvchi soʻz boʻlagi.

Beta-zarra.

  • Beta-yemirilish Atom yadrolarining elementar zarralar — elektron yoki pozitron chiqarib, radioaktiv yemirilishi, parchalanishi.
  • Beta-zarralar Beta-yemirilishda radioaktiv yadrolardan ajralib chiqadigan elementar zarralar — elektronlar va pozitronlar. Beta-zarralar oqimi beta-nurlar deyiladi. — OʻzME
  • Beta-terapiya Kasallik tufayli organizmning oʻzgargan toʻqimalarini beta-nurlar yordamida davolash u suli.
Toʻliq maqola →
betamiz
Izohli lugʻat · yana 6 ta lugʻatda

sft. Oʻz aqli, farosati bilan bir ish qilolmaydigan; narsa-hodisaning mohiyatiga fahmi yetmaydigan; did-farosati yoʻq, befahm.

Betamizda bet boʻlmas, bezorida uyat boʻlmas. — Maqol

Ammo duch kelgan odamga oʻzi va oʻzgalar haqida ogʻziga kelganini gapiradigan bunaqa betamizni uchratmagan edi. — E. Samandarov, Daryosini yoʻqotgan qirgʻoq

Toʻliq maqola →
betaraf
Izohli lugʻat · yana 7 ta lugʻatda

sft. Hech qaysi tomonga, guruhga yon bosmaydigan, qoʻshilmaydigan; xolis.

Betaraf mamlakatlar.

Uch kishi betaraf qoldi. — Sharq yulduzi

  • Betaraf zona Hech kimga qarashli boʻlmagan hudud.
Toʻliq maqola →
betaʼrif

Biror-bir taʼrifga, tavsifga sigʻmaydigan, taʼrifi cheksiz.

Navroʻzi olam — tabiatning betaʼrif yashashi, demak, umrlarning boshlanishi ham. — Yoshlik

Toʻliq maqola →
betayin
Izohli lugʻat · yana 6 ta lugʻatda

sft. 1. Bor-yoʻqligi, yuz berishi yoki bermasligi aniq boʻlmagan, nomaʼlum, tayinsiz.

Gʻulomjon hushiga keldi. Uni endi betayin bir qoʻrquv hushiga keltirgan edi. — M. Ismoiliy, Fargʻona tong otguncha

Yigitmanki, tavakkalni qilaman, Betayin yurtlarga ketib boraman. — Murodxon

Koʻzi-boy cholning kasbi betayin. — Sh. Xolmirzayev, Ogʻir tosh koʻchsa

2. Bir zaylda, bir gapda turmaydigan; tuturigʻi, burdi yoʻq, beqaror.

Betayin odam,

Qoʻrqoq, betayin, irodasiz, maslaksiz, noshud odam boshiga ogʻir bir mushkul tushganda sotqinlik qilarkan-da! — S. Nurov, Maysalarni ayoz urmaydi

Bolalar odamgarchiligi yoʻq, betayin kimsa ekan, deyishmasmikan? — S. Siyoyev, Yorugʻlik

3. Tagi puch, asossiz, behuda; mujmal; maqsadsiz.

Betayin gap. Betayin javob.

Kampir, yigʻlab, bunda savol qilayean, Betayin gapirsang, tayin oʻlasan. — Gulshanbogʻ

Garang qildi bu betayin yurishlar, Soqibulbul, oʻylab, bergin maslahat. — Malikayi ayyor

Toʻliq maqola →
betakror
Izohli lugʻat · yana 3 ta lugʻatda

sft. 1. Takrorlanmaydigan, qaytib kelmaydigan.

Umr bir berilgay, qaytmas, betakror. — Saodat

Bilaman, Xizr kim va bidʼat nima, Bilaman, yoshlik ham ketdi betakror. — A. Oripov

Bolalik shodlig-u quvonchlarga, orzu-oʻylarga toʻla begʻubor va betakror oʻyinqaroq damlar. — Saodat

2. Tengi yoʻq, noyob, topilmas.

Halima Nosirovaning beqiyos sanʼati, tabiiy va betakror ovozi xalqimiz qalbidan chuqur joy olgan. — Saodat

Oʻlkamiz tarix va madaniyatida koʻhna Toshkentning oʻrni betakror. — Gazetadan

Tibbiyot olimlarini Kosonsoyning betakror tabiati qiziqtiradi. — Saodat

Toʻliq maqola →
betartib
Izohli lugʻat · yana 4 ta lugʻatda

sft. 1. Tartibga solinmagan yoki tushmagan, ayqash-uyqash; tartibsiz holdagi.

Betartib xoʻjalik.

Koʻra etagidagi devor ustiga betartib shox yoygan qora tol zulmat qoʻynida xayoliy sharpalarni eslatadi. — H. Gʻulom, Mashʼal

Ayol kiyim-kechaklar betartib sochilgan xona oʻrtasida gangigandek soʻppayib turardi. — Yoshlik

2. Tartib-intizomga rioya qilmaydigan; tartibni buzuvchi; qonun-qoidaga boʻysunmagan yoki boʻysundirilmagan, tartibi yoʻq; poyma-poy.

Betartib gap. Betartib bola. Juda ham betartib boʻlib ketyapsan.

Toʻliq maqola →
betaskin

sft. Tinchlik, tasalli bermaydigan; betinch, besaranjom.

Beadad, betaskin bir alam vujudini qamrab, boʻgʻzini qattiq boʻgʻa boshladi. — S. Nurov, Maysalarni ayoz urmaydi

Toʻliq maqola →
betavfiq
Izohli lugʻat · yana 3 ta lugʻatda

sft. 1. Din yoʻl-yoʻriqlariga ishonmaydigan, diniy eʼtiqodsiz; imoni yoʻq; murtad.

Kalima keltir, betavfiq! — Oybek, Tanlangan asarlar

Kimda-kim xudoning osiy bandasi betavfiq Avaz Oʻtar oʻgʻlining doʻkoniga oyoq bossa., soch-soqol oldirsa, imoni kuygay. — S. Siyoyev, Avaz

2. koʻchma Uyati (nomusi, hayosi) yoʻq; uyatsiz.

Mard yigitning nomus-ori boʻladi. Yulduzoyni yorim dema, betavfiq. — Qunduz bilan Yulduz

Betavfiq chol, ichib, yiqilib yotibdi. — Gazetadan

Toʻliq maqola →