Толковый словарь узбекского языка
· ещё в 3 словарях
ot Xamir yoyish, non yasash uchun moʻljallangan, odatda oshlangan teridan qilinadigan dasturxonsimon roʻzgʻor buyumi.
Teri supra. Har supraning noni bor. — Maqol
Rahbarxon qoʻlidagi oʻqlogʻini supraga doʻq etib urdi. — U. Usmonov, Qismat
— Voy, oʻla-ay! — dedi Buvirajab suprani ochib. — Yoshlik
Mezbonlar qoʻy terisidan qilingan supralarda pishirilgan goʻsht keltira boshladilar. — M. Osim, Karvon yoʻllarida
- Nomi (yoki oti) ulugʻ, suprasi quruq Nomiga yarasha qoʻli, dasturxoni ochiq boʻlmagan, martabasiga muvofiq ish tuta olmaydigan odam haqida aytiladigan ibora. Biladiki, [Sevargul] koʻk diplom bilan institutda qololmaydi, mabodo uning sharofati tufaylidan qoldirilganda ham, oti ulugʻ, suprasi quruq yuraveradi. — N. Qilichev, Chigʻiriq
- Quloq suprasi Sulton tandirchi — qotma, koʻk koʻzlari horgʻin va xayolchan barmoqlari, hatto quloq supralarini mayin jun bosgan kalta soqolli chol. — Yoshlik