ulugʻ

sft. 1. Egallagan oʻrni, hajmi gʻoyat yirik; juda katta, ulkan, buyuk.

Keltirganlar ikkisin bogʻlab, Tashlaganlar ulugʻ daryoga. — Gʻayratiy

Xotin asl oʻrdaning ulugʻ, muhtasham darvozasiga yaqinlashgandan keyin oʻngdagi ayri yoʻlga burildi. — A. Qodiriy, Mehrobdan chayon

Shu kecha yoʻl tortdi choshkada [choshgohda] ulugʻ bir toqqa yetdi. — Hasanxon

2. Kuch-qudrat, imkoniyat va shu kabilar jihatdan juda katta imkoniyatlarga eta; qudratli.

Shayboniyxon markazlashgan ulugʻ bir davlat tuzishga intilar ekan qoʻl ostidagi odamlarning ixlos va eʼtiqodini ham qozonishga alohida eʼtibor berar edi. — P. Qodirov, Yulduzli tunlar

3. Qadr-qiymati, ahamiyati va shu kabilar jihatidan yuqori darajali; buyuk.

Bizning jamiyatda inson qadr-qimmati har narsadan ulugʻ. — Gazetadan

Shoir uchun bu olamda muxlisning ehtiromidan koʻra ulugʻroq baxt yoʻq. — Gazetadan

Insondagi eng ulugʻ fazilatlardan biri kamtarlik va oddiylikdir. — Gazetadan

4. Salmogʻi, koʻlami, ahamiyati yuqori boʻlgan; muhim.

Saidqosim ulugʻ ishlarni amalga oshiruvchilardan boʻlgani uchun quvonardi. — Oʻzbekiston qoʻriqlari

Biz katta ishlar, ulugʻ oʻzgarishlar arafasida turibmiz. — Gazetadan

5. Oʻz qobiliyati, xizmatlari bilan buyuk ishlarni amalga oshirgan va hurmat-eʼtibor qozongan; buyuk.

Qadimgi yunon mulkida oʻtgan donishmand, handasa ilmiga asos solgan, yer oʻlchashni oʻrgatgan ulugʻ olim [Yevklid]. — M. Osim, Ibn Sino qissasi

Ulugʻ shoir haykali poyiga mehr-muhabbat va chuqur ehtirom ramzi sifatida gullar qoʻyilmoqda. — Gazetadan

6. Shunday ulugʻlikni qayd etuvchi soʻz sifatida shaxs bildiruvchi soʻzlarga qoʻshib ishlatiladi.

Ulugʻ amir. Ulugʻ Alisher,

Ishqilib, xudoyi taolo ulugʻ sultonni panohi-da asrasin — Mirmuhsin, Meʼmor

Bobur suratga [Navoiy suratiga] qarab turib, oʻzicha soʻradi: Ulugʻ amir, nasib qilsa, huzuringizga borsam sheʼriyat tilsimini ochgʻuchi kalit berurmisiz? — P. Qodirov, Yulduzli tunlar

Demak, Nizomiddin bu nihoyatda xavfli toʻdaga mansub, ulugʻ hazrat joniga qasd qilganlar orasida bor — Mirmuhsin, Meʼmor

7. Rahbar, boshliq.

Ilgarilari Boʻtaboyni, ulugʻimiz, deb yuradigan kishilar uni koʻrganda, beting qursin, deb oʻtib ketadigan boʻlib qolishdi. — S. Ahmad, Hukm

Soʻz soʻzlasa, durri gavhar sochilar. Oʻrozali yurtimizning ulugʻi — Yodgor

Iya, iya, ulugʻ, Siz ham shu gapni aytdingizmi. — S. Ahmad, Hukm

8. Ulugʻ (erkaklar va xotin-qizlar ismi).

Egallagan oʻrni, hajmi gʻoyat yirik; mavqei yuksak..ULU, BÜYÜK, MEŞHUR, ÜNLÜ

посл. великий, старший, большой

ulugʻ boʻlsang, kichik boʻl если ты велик (занимаешь высокий пост), будь скромным

ulugʻ boʻlsang, kekkayma, oʻz xalqingga serrayma коль вознесешься — не кичись, своего народа не дичись; соотв. всегда и всюду будь лицом к люду.

a great

1. ulli, úlken, iri, gidiman, dım úlken

2. qúdiretli, kúshli

3. joqarı dárejeli

4. zárúrli

5. ulli, mártebeli

6. basshı, baslıq

7. er adamlardıń atı

ulugʻ san’atkor ein großer Künstler groß, berühmt

ruschaвеликий, старший, главаinglizchagreat, the oldest (one), head (master), leaderfransuzchagrand, grandiose, chefarabchaأَعْظَمُ (عُظْمَى)