fl. 1. Koʻngilsiz, ogʻir, xavfli va shu kabilar holdan xalos boʻlmoq.
Xijolatlikdan qutulmoq. Xavf-xatardan qutulmoq. Kasallikdan qutulmoq. Tashvishdan qutulmoq.
Sen qutulding qaygʻu, hasratdan. — Gʻayratiy
Bosib kelayotgan gʻashlikdan qutulish uchun, chamadonidan ikki-uchta kitobini oldi. — X. Sultonov, Onamning yurti
2. Saqlanmoq, omon qolmoq.
Bir oʻlimdan qutuldim. Qordan qutulib, yomgʻirga tutilmoq.
Siz oʻylagan qadar oson emas, afandim, gunohdan qutulib ketishingiz. — M. Ismoiliy, Fargʻona tong otguncha.
Komil baloni biladi, — deb oʻyladi ichida bek, — Mening qorabayirimdan qochib qutuldi u tulki! — H. Gʻulom, Mashʼal
3. Bandi, tutqun kabi holatdan boʻshamoq, boʻshab chiqmoq; ozod boʻlmoq.
[Yoʻlchi] Qamoqdan qutulib chiqsa, uni bir koʻrsam. — Oybek, Tanlangan asarlar
4. Tashlab, tark etib, barham berib yoki voz kechib xalos boʻlmoq.
Chekishdan qutuldi. Yomon odatlaridan qutuldi.
Agar shu hol-da davom eta bersalaring, ikkovlaringga ham baravar javob berib, qutulaman! A. — Qodiriy, Oʻtgan kunlar
5. Rejadagi ish, vazifa va shu kabilarni bajarmoq, tugatmoq, amalga oshirmoq.
Toʻyning yumushlaridan endigina qutulgan Yoʻlchi toʻqqiz yogʻochli uyda yolgʻiz oʻtirar edi. — Oybek, Tanlangan asarlar
6. Zimmadagi burch, qarz kabilardan hisob-kitob bilan uzilmoq.
Nega qutular ekansan! Dadamning haqlarini berib, undan keyin qutulasan. A. — Qahhor, Qoʻshchinor chiroqlari
Shunday qilib, boy ikki yuz ming soʻm uchun beradigan zakotdan qutuldi — Oybek, Tanlangan asarlar
Qarzimizdan qutulsak, xudoga shukur, qutulmasak, yana boy yelkamizda-da. — Sharq yulduzi
7. s. t. Koʻzi yorimoq; boʻshanmoq, tugʻmoq (homilador ayol haqida).
Eson-omon qutuldingizmi, Salimaxon, uy bilan boʻlib, qut-lagani ham kelolmasam-a. — R. Fayziy, Sen yetim emassan
- Koʻpdan quyon qochib qutulmas Koʻpchilik birlashib, hamma ahillik bilan baravar harakat qilsa, har qanday ish ham bitadi, maʼnosidagi maqol. Olishar biron yoʻlini topayotgandir-da, topmaydigan boʻlsa, Ahmedov akam aytmas edilar. Olimlar ham bir boʻlib ishlasa koʻpdan quyon qochib qutulmaydi. — A. Qahhor, Qoʻshchinor chiroqlari
- Qochib qutulmaydi Amalga oshmay, bajarilmay qolmaydi. Yoshlardan ish qochib qutulmaydi.