сфт. 1. Пули бўлган, пули бор.
Пулли — ботир, пулсиз — ётир. — Мақол
2. Пул тўланадиган, пул эвазига олинадиган, бериладиган ёки қилинадиган.
Пулли консерт. Пулли маъруза.
Қизил Ярим ой жамияти томонидан ташкил қилинган пулли поликлиникага директор қилиб тайинлашни сўради. — А. Қаҳҳор, Сароб
Пулли хизматларни бир ярим баравар кўпайтириш режалаштирилди. — Газетадан
Олий бизнес мактабида ўқиш пулли-контракт асосида бўлиб, Бошқарув бизнес магистри дастури бўйича халқаро талаблар ва халқаро программа асосида олиб борилади. — Газетадан
3. (фақат миқдор ифодаловчи сонлар билан) Пул, тийин қийматидаги.
Тўққиз пулли носвой. Уч пулли аҳамияти ёʻқ нарса.
Олти пулли тақадек. Кўзи ирғиб бақадек, Оч мухлиснинг қўлида Ўтмай қолган чақадек Шайх ҳазратларига салом. — Ҳамза