от 1. Атмосфера қуйи қатламининг маълум вақт ва маълум жойдаги ҳолати.
Қиш об-ҳавоси. Об-ҳаво инжиқлиги.
У [Элмурод] қайтган вақтда ёмғир тинган, лекин бу ернинг ўзига хос об-у ҳавосига мувофиқ, ёмғирдан кейин қаттиқ шамол турган эди. — П. Турсун, Ўқитувчи
2. Маълум жой ёки ҳудуд атмосферасидаги метеорологик ўзгаришлар мажмуи; иқлим.
Мулла Туроб бир ёз фаслида Самарқанд саёҳатига бориб, у шаҳарнинг об-у ҳавосини ёқтирган. — С. Айний, Эсдаликлар
Об-ҳавони, оқар сувларни ифлослантирмаслик тўғрисида қарорлар қабул қилинди. — Газетадан
3. кўчма Вазият, ҳолат.
Бу гаплар қишлоқда нечоғлиқ тарқалганлиги, яъни у ердаги об-ҳавони билиш мақсадида Насибани автобусга ўтқазиб, тонгда қишлоққа жўнатди. — Ёшлик
- Об-ҳаво бюроси Об-ҳаво ўзгаришларини, метеорологик шароитларни ўрганиб. кузатиб борувчи махсус илмий муассаса.