Qidiruv

ot Umrning yetuklikdan soʻnggi, organizm faoliyati asta-sekin zaiflasha boradigan davri; kishining shu davrga, yoshga xos holati; qarilik.

Keksalik davri. Keksalik alomatlari.

Yuzini keksalikdan koʻra koʻproq koʻrgiliklar gʻijimlab tashlagan bu chol bilan u oʻtgan yil bahorda tanishgan edi. — A. Qahhor, Tomoshabogʻ

Sal qoʻpolroq, keksalikka yoʻl tutgan Qodirov, nima qilishini va nima deyishini bilmay, oʻngʻaysizlanib, oʻrnidan turdi. — I. Rahim, Taqdir

sft. 1. Uzoq yashab katta yoshga yetgan, umrining oxirgi bosqichini yashayotgan; qari.

Keksa odam. Keksa ayol. Keksa chinor.

Quyosh endi tigʻ yoya boshlagan salqin sabohda Qorabuloq qishlogʻidan biri keksa, biri yosh — ikki otliq chiqib kelaverdi. — M. Ismoiliy, Fargʻona tong otguncha.

Ana, keksa qayragʻoch, uning tunuka tom ustiga engashgan azamat shoxi qurib qolibdi. — S. Ahmad, Qadrdon dalalar

2. ot Keksa yoshdagi shaxs; qariya.

Keksalar choyxonasi. Keksalar oʻgiti.

Keksalar boʻlsa, bunday issiq oʻttiz yil burun boʻlganini, oʻshanda ham shahar tovaday qizib, odamlar atrof chorbogʻlarda jon saqlashganini eslashardi. — Mirmuhsin, Umid

Keksalarning aytishicha, bunday paytlarda biron-bir tepalikning ustiga chiqib, jimgina quloq solib yotsangiz, yerning nafasini eshitarmishsiz. — Oʻ. Hoshimov, Qalbingga quloq sol

3. koʻchma Uzoq yillardan beri mavjud, koʻp yillarni koʻrgan; qadimiy, eski.

Keksa bilim dargohlaridan biri.

Har bir xalqning ogʻzaki badiiy ijodiyoti u xalqning tarixi qadar keksadir. — OʻTA

Ey, keksa buloqlar, eski qadrdon, Oʻynoqi umrimday joʻshib oqdingiz. — Gʻayratiy

Shunday yorqin, shunday oydin zamoni ham boʻlarmikin bu jafokash keksa dunyoning?! — M. Ismoiliy, Fargʻona tong otguncha.

Пожилой возраст — мудрость, к пожилым — высокое уважение. Если старики раскинут умом, то затмят всех Платонов., Старых людей пословицы — не мимо дела., Старый ворон не каркнет даром: либо было что, либо будет что., Старый волк знает толк.

fl. Keksalik davriga oʻtmoq; qarimoq.

Dunyo mojarosidan qoʻl yuvmoqchi boʻlgan bir otaga keksaygan kunlarida farzand dogʻini koʻrmaslikning oʻzi ham ulugʻ mukofotdir! — A. Qodiriy, Oʻtgan kunlar

Baxtni halol mehnat bilan topgan odam., keksayganda ham hayot lazzatini beminnat tatiydi. — Gazetadan

fl. Keksaymoq feʼlining orttirma nisbati.