fl. 1. Gavdani tik, gʻoz tutmoq.
Baland boʻyli, qirra burun, kelishgan va har doim yaxshi kiyinib, kekkayibroq yuradigan bu chiroyli qoratoʻri yigit oʻsha, Fotimaga oshiq boʻlib yurgan boʻydoq oʻqituvchi Karimov edi. — P. Tursun, Oʻqituvchi
2. koʻchma Oʻzini hammadan yuqori tutmoq, gerdaymoq, magʻrurlanmoq.
Kekkayganga kekkaygin boshing koʻkka yetguncha. — Matal
Kamtar boʻling, magʻrur boʻlmang, kekkaymang, Bir kun xijolatdan siz qilmang attang. — Habibiy
Bir-biridan takabbur, bir-biridan kekkaygan boyvachchalarning oldiga bu otda borishni oʻziga ep koʻrmay, dam joʻnashga qaror qilar, dam yana aynar edi. — Oybek, Tanlangan asarlar