Qidiruv

fl. 1. Toʻda, toʻp holidagi narsani u yoq-bu yoqqa sochmoq, agʻdarmoq, toʻzitmoq.

Bundan koʻra goʻng titganing yaxshi emasmi, keksa tovuq! — Oybek, Tanlangan asarlar

taxta koʻmirlarini, chinni parchalarini etik uchi bilan titdi. — H. Gʻulom, Mashʼal

U jangchilarning texnika va taktika haqidagi mulohazalariga ahamiyat bermagandek, choʻgʻni titib oʻtirdi. — Oybek, Quyosh qoraymas

2. Kovlashtirib, agʻdar-toʻntar qilib qaramoq, titkilamoq.

Sandiqni titmoq. Uyni titmoq.

Qizil krest alomatli brezent sumkani titib, dori oldi-da, Murzinga tutdi. — Shuhrat, Shinelli yillar

Qogʻozlarini qancha titsam ham, laʼnati daftar sira-sira topilmadi. — Sh. Rashidov, Boʻrondan kuchli

Kechqurun oʻzida bor jurnallarni titib, Ulfatning sheʼrlarini topdi. — A. Qahhor, Sarob

3. Yulib, savab, qoqib yoki boshqa yoʻllar bilan yumshatmoq va chang, xas-xashakdan tozalamoq.

Paxta titmoq. Jun titmoq.

Gʻoziboy aka bilan Roʻziboy akalar panshaxa bilan xirmonda tinmay paxtani titib turishsin. — Mirmuhsin, Mixlar va poʻkaklar

4. s. t. Pora-pora qilmoq, dabdala qilmoq, majagʻini chiqarmoq.

Hozir koʻziga koʻrinsang, titib tashlaydi. — A. Qahhor, Sarob

Tutun jigarimni ham titib yubordi. — Oybek, Tanlangan asarlar

ot Mendeleyev davriy sistemasining IV guruhiga mansub kimyoviy element; poʻlatsimon yaltiroq qattiq, korroziyabardosh metall.

— Mana bu esa titan deyiladi, — dedi suv qaynatayotgan yaltiroq idishni koʻrsatib. — P. Tursun, Oʻqituvchi

ot 1. sft Titilib, toʻzib uvadasi chiqqan, titilib ketgan, dabdala.

Titiq kitob. Titiq koʻrpa. Titiq savat. Titiq qop.

2. ot Narsaning titilgan, toʻzgan joyi; titilgan, toʻzgan narsa.

Dasturxonning titigʻi. Shlyapaning titigʻi.

ot plgrf. Kitobning uning nomi, muallifi, nashr qilingan yili va joyi, nashriyot yoki uni nashr etuvchi tashkilot nomi koʻrsatilgan birinchi beti; titul varagʻi.

Kitobning tituli.

Uning [kitobning] muqovasi, titul varagʻi, shuningdek, boshqa ayrim betlari ham juda eʼtiborsizlik bilan vyorstka qilinibdi. — Gazetadan

ot 1. Sovuqdan, qoʻrquvdan, hayajondan yoki darmonsizlik, kasallik va shu kabilardan yuzaga keladigan gʻayrishuuriy harakat, qaltiroq.

[Sidiqjonning] Telegramma qogʻozini tutib turgan qoʻli titrardi. Bu titroq asta-sekin butun vujudini qamrab oldi. — E. Usmonov, Koʻngil

Adolat surbet Bozorovni koʻrishi bilan gʻazabdan qaltiradi va titrogʻini bosish uchun paxta teraverdi. — I. Rahim, Chin muhabbat

2. sft. Titrab, qaltirab turadigan, titraydigan, titroqli; qaltiroq.

Titroq qoʻl. Titroq oyoq.

Muhammadjon uning titroq lablariga suqlanib qaradi-yu, lekin jurʼat etolmay, qoʻlidan choʻpillatib oʻpdi. — P. Qodirov, Uch ildiz

Zamira uning titroq vujudi va haddan tashqari olovli qarashiga tob berolmay, stol ustiga pastroq engashdi. — P. Qodirov, Uch ildiz

3. sft. Toʻlqinlanib yoki uzilib-uzilib chiqadigan (asosan ovoz, tovush haqida).

U, oppoq roʻmolchasi bilan koʻzlaridan dona-dona oqib tushayotgan yoshini artib, titroq ovoz bilan javob berdi. — Sh. Rashidov, Boʻrondan kuchli