Қидирув

от 1. Сутканинг йигирма тўртдан бир улушига тенг вақт ва шу муддатни кўрсатувчи вақт ўлчови.

Бир соат — олтмиш минут. Орадан уч соат ўтди.

Отабек Марғилонга ҳар нимадир бир соат илгарироқ етиш учун ошиқар эди. — А. Қодирий, Ўтган кунлар

Эллик қадамча ёʻлни, назаримда, бир соатда босгандай бўлдим. — С. Сиёев, Ёруғлик

2. Туш пайтидан ёки ярим кечадан бош-лаб шу ўлчовда ҳисобланадиган вақт оралиғи; пайт.

Қутидор, одатига қарши, бозордан кундуз соат учларда қайтиб келди-да, Отабекни сўради — А. Қодирий, Ўтган кунлар

Мажлис роппа-роса соат бирда бошланди. — Ў. Ҳошимов, Қалбингга қулоқ сол

[Ҳасанали] Ухламай кутиб ўтирди. Аммо [Отабек] тунги соат ўн бир бўлса ҳам келмас, ўн иккида ҳам дараксиз эди. — А. Қодирий, Ўтган кунлар

Солиҳ иш вақти тугашига икки соат қолганда нарсаларини йиғиштирди. — О. Мўминов, Хиёбондаги уч учрашув

3. Вақтни сутка давомида шу ўлчовда ўлчайдиган асбоб.

Олтин соат. Чўнтак соат. Девор(ий) соат.

Чарм камзулли йигит ён чўнтагидан занжирли соатини олди, қопқоғини қирс эткизиб очди. С. — Сиёев, Ёруғлик

Врач Мамлакатнинг томир уришини соатига қараб ўлчади. Ў. — Усмонов, Сирли соҳил

4. Ўқув машғулоти учун белгиланган 40 минутли ёки 45 минутли вақт, дарс.

Ўзбек тили учун ҳафтада тўрт соат ажратилган.

Бир ўқувчининг бир соат дарс қолдириши ҳам унинг билимига таъсир қилади. — Газетадан

5. Умуман, вақт, фурсат, пайт, он.

Толе соатини кутмоқдан ўзга иложимиз ёʻқ [деди подшоҳ Навоийга]. — Ойбек, Навоий

Бу кунги кеч Отабек билан Ҳомиднинг қайси бирларининг сўнг соатлари етганлиги шу қоронғи тун каби қоронғи эди. — А. Қодирий, Ўтган кунлар

Меъмор бўлса икки шогирднинг сап қуюшқондан чиқиб, талтайишаётганидан энсаси қотиб келарди: кони шундоқ яхши соатларда унинг ёнида ўғли Низомиддин ҳам бўлса! — Мирмуҳсин, Меъмор

6. Маълум мақсад учун белгиланган, хос вақт.

Қабул соатлари. Иш соати.

Ўрдага алоқаси бўлмаган кишилар боғга киролмаслар, фақат ҳафтада бир кун кўнгил очиш соатларида, баъзи мустасно зотлар учун боғнинг ёʻли очиқ бўлар эди. — А. Қодирий, Меҳробдан чаён

7. Соат (эркаклар исми).

Бирор иш, воқеа ва шу кабиларнинг юз беришига имкон берадиган пайт, амалга ошиш пайти; фурсат.

Билмадим, биров заҳарлаганми, ҳайтовур, вақти-соати етган экан. — Ойбек, Танланган асарлар

Вақти-соати келур, Самарқанд орзусига ҳам эришурсиз. — П. Қодиров, Юлдузли тунлар

Ҳа, майли, бунинг ҳам вақт-соати келиб қолар. — К. Яшин, Ҳамза

waqtı-sáti

русчакомендантский часинглизчаcurfew

русчаАлфавитный классный час - это один из нетрадиционных форма классного часа, где учитель называет букву и спрашивает какая тема классного часа на эту букву интересует детей.инглизчаClass hour - alphabetical - this is one of the unconventional form of the class hour, where the teacher calls the letter and asks which topic of the class hour for this letter is of interest to children.

русчаКлассный час «Почтовый ящик» - это нетрадиционная форма классного часа. В ящик с прорезью учащиеся закладывают написанные вопросы так, что если автор записки пожелает, он может остаться инкогнито. Классный руководитель отвечает на те из них, на которые он может ответить, если же вопросы требуют специальной подготовки, и ответы на них очень важны для учеников, то возможно проведение на следующий день второго классного часа.инглизчаThe class hour "Mailbox" is an unconventional form of a class hour. In a box with a slot student pawn the written questions so that if the author of the note wishes, he can remain incognito. The class teacher answers the questions to which he can answer, if the questions require special preparation, and the answers to them are very important for the students, then it is possible to hold the second class hour the next day.