Поиск

ot 1. Eng katta baxt, yuksak iqbol.

Halol mehnat — yaxshi odat, berur senga saodat. — Maqol

Men visol quvonchidan yal-yal yongan ikki yoshga baxt-u saodat tiladim. Gazetadan. Shoir boʻlib shodlik va baxtni Kuylamoqlik — zoʻr saodatim. — H. Olimjon

2. Saodat (erkaklar va xotin-qizlar ismi).

sft. Baxt-iqbolga erishgan; baxtli, baxtiyor.

Bu bino Kumushning oʻz uyi boʻlib, bu uy ichida Otabekning saodatli kunlarining shirin xotiralari saqlanar edi. — A. Qodiriy, Oʻtgan kunlar

Baxtli va saodatli yashash hammaga ham nasib etavermaydi. — Gazetadan

sft. kt. ayn. Saodatli.

Saodatmand odam.

Olloh taolo karami bilan bu saodatmand kunga erishdi. — E. Samandar, Tangri qudugʻi

ot Baxt va iqbol.

Zeboning shoʻx qarashi, turishi, quvnoq kulgisi, tabassumi Elmurodni hali maʼlum boʻlmagan sevinch toʻla, baxt-saodat toʻla bir olamga imladi. — Shuhrat, Shinelli yillar

Millatni baxt-saodat sohiliga olib chiqish uchun birdan-bir yoʻl maʼrifat yoʻlidir. — K. Yashin, Hamza