Qidiruv

ot 1. Ulab-qurab, biror narsa hosil qilish uchun yaroqli mato parchasi.

Bir qator attorlar eski qop, yagʻir sholcha, yirtiq boʻz parchalaridan, qizil, oq, koʻk, yashil laxtak quroqlardan turli-tuman soyabonlar yasab, mollarini bevosita yerning oʻziga uyib qoʻyibdilar. — Gʻ. Gʻulom, Shum bola

Oʻrtaga novcha qiziqchi chiqadi. Choponi qizil, koʻk, yashil, sariq quroq lattalardan yamalgan. — T. Obidov, Yusufjon qiziq

2. sft. Shunday quroqlarni biriktirib tikib hosil qilingan.

Quroq dasturxon. Quroq yostiq.

Rais peshonasidagi oqib tushayotgan terni artib, quroq bilan bezatilgan yostiqqa yonboshlab, yuzini shabadaga burdi. — Sh. Rashidov, Boʻrondan kuchli

Qirlarda qorning choki soʻkilgan, hamma yoq ola-bula quroq koʻrpaga oʻxshaydi. — Sh. Gʻulomov, Inson qoʻli gul

Usti-boshi yupundi rosa, Bor bezagi bir quroq chopon. H. Poʻlat.

3. sft. koʻchma Mayda boʻlaklardan iborat, boʻltak-soʻltak, laxtak-luxtak, parcha-purcha.

Quroq yerlar.

Choʻldan quroq ham qoldirmabsiz, ota. Obodlik kishining mehrini tortib, oʻziga sehrlab qoʻyadi. — A. Xasanov, Chiroqlar

Janub suvlari, toshqin soyi, koʻm-koʻk daraxtlari, qalandarlarning choponiga oʻxshash ola-quroq ekinlari, qori erimagan baland togʻlari bilan odamni hayratga soladi. — M. Ismoiliy, Fargʻona tong otguncha

2. koʻchma Turli parchalardan ulab-qurab, bir butun holga keltirilgan; qurama.

Qishloqqa keladigan koʻchma kinoning uquvsiz mexaniklari uzib tashlagan yamoq lentalardan yigʻib, ola-quroq kinofilm qilgan edi. — S. Ahmad, Choʻl shamollari

3. koʻchma Uzuq-yuluq, maromiga yetmagan.

Uning miyasida ola-quroq mulohazalar prishib ketdi. — Sharq yulduzi

4. koʻchma Yoshi, kasbi, bilimi va shu kabilar jihatidan har xil, turli-tuman.

5. ayn. Olaqaroq I 1.

Ekinlar ola-quroq chiqibdi.

Hademay egatlar ola-quroq boʻlib qoladi. — Yoshlik

Turli laxtaklardan ulab-quralgan; uloq-uloq.

Uloq-quroq kiyim.