фл. 1. Эркалаш ёки севги-муҳаббат ифодаси сифатида кимсанинг бирор ерига лабларини тегизмоқ, ўпич олмоқ.
Болани ўпмоқ. Пешонасидан ўпмоқ.
Аваз хотинини боладай қўлларига кўтариб олди-да, кўзларидан, қошларидан ўпди. — П. Қодиров, Қора кўзлар
Нормат онасини қучоқлаб ўпди. — И. Раҳим, Чин муҳаббат
2. Ҳурмат, садоқат ёки эъзозлаш ифодаси сифатида муқаддас, азиз саналган нарсага лабларини тегизиб қўймоқ.
Она-Ватан тупроғини ўпмоқ. Байроқни ўпмоқ.
3. кўчма Бирор нарсага енгил-енгил тегмоқ, урилмоқ.
[Кумушнинг] Бу кунги совуққа қарши қилиб олган савсар пўстинининг ёқалиги кишининг ҳасадини орттириб, нафис бақбақаларини ўпиб ётар эдилар. — А. Қодирий, Ўтган кунлар
Ел қитиқлаб, ўпиб қочди Чечакларнинг япроғидан. — Ғайратий
- Онаси ўпмаган Иффатли, соф. Пулинг бўлса онаси ўпмаган малика қизлар сенга қучоқ очади. — Ойбек, Танланган асарлар