Қидирув

фл. 1. Бирор нарсага, кимсага ёки томонга отилмоқ, ташланмоқ, ҳаракат қилмоқ.

Жувон Шохни ушлагани икки-уч интилиб, ушлай олмади. — А. Қаҳҳор, Қўшчинор чироқлари

Асқар ота кўзига ювошроқ кўринган бир отни синамоқчи бўлиб минган эди, от анҳорга интилди. — А. Қаҳҳор, Хотинлар

2. Мақсад ёʻлида, унга эришиш, амалга ошириш учун ҳаракат қилмоқ.

Илм-маърифатга интилмоқ. Интилганга толе ёр.

У худди синглисининг қотилини энди топгандай, титраб-қақшаб, қасосга интиларди. — Шуҳрат,Шинелли йиллар

Шерали вазиятни юмшатишга интилди. — С. Кароматов, Олтин қум

от Интилмоқ феълидан сифатдош.

фл. 1. Интилмоқ феълининг ҳаракат номи

Ҳаётни билиш ва ундан ўзининг лойиқ ўрнини топишга интилиш — ҳар бир кишининг умиди. — Шуҳрат, Шинелли йиллар

2. Мақсад, бирор нарсага эришиш ёʻлидаги ҳаракат.

Миллатпарвар кишилар барча адоватларни, мансаб учун бўлган интилишларни бир четга суриб қўйиб, янги раҳбар атрофига бирлашадилар — Э. Юсупов, Истиқлол ёʻлида

Биринчи муваффақияцизликдаёқ ўз мақсади, интилишларидан воз кечган киши ҳақиқий зиёли эмас, у ҳеч вақт ҳақиқий одам бўла олмайди. — Э. Юсупов, Истиқлол ёʻлида

3. Мойиллик сезгиси; майл (ишқ, севги ҳақида).

Қиз Сирожни севадими, ёʻқми —ўзи ҳам билмас эди. Аммо кўнглида Сирожга интилиш сезиб юрарди. — Ф. Мусажонов, Ҳури

Адолат ўзига нариги маҳалладаги Султон-ҳожи бойнинг совчи қўйдираётганини сезиб қолганди. Бу нарса Адолатнинг Усмонжонга бўлган интилишини кучайтириб юборди. — С. Зуннунова, Гулхан