Қидирув

от 1. Бирин-кетин содир бўладиган воқеа-ҳодисалар, бажариладиган ишлар тартиби, навбати.

Бугун менинг галим.

Минг бало билан Қутидор қўлини бўшатиб, гал Отабекка етди. — А. Қодирий, Ўтган кунлар

2. Қаторда эгалланган, ишғол этилган ўрин, навбат.

3. (“бу“, “шу“, “ҳар“, бир каби сўзлар билан) Сафар, навбат.

Бир гал Дўстмат ҳар сафаргидай иш қидириб кетди-ю, лекин қайтиб келмади. — П. Турсун, Ўқитувчи

Гулнор бу ерга келса, Нури ҳар гал бирон оғир юмуш қилдирар эди. — Ойбек, Танланган асарлар

от 1. Бир турдаги қуш, ҳайвон-жониворлар тўдаси.

[Ботирали] Шарпага ортиқ парво қилмай, қушлар галасини завқ билан томоша қила бошлади. — Ҳ. Ғулом, Машъал

Қушлар галаси безовталаниб, дарс томонга тез учиб ўтди. — Назармат, Жўрлар баланд сайрайди

2. Бир тўда одам, оломон.

Қизлар галасини кўрган Бозоров от бошини ўша ёққа бурди. — И. Раҳим, Чин муҳаббат

Анча йиғилишиб келибди гала баччалар. — Юсуф ва Аҳмад

от Галл; галлар (ҳозирги Франсия территориясида яшаган қадимги халқ номи).

фольк.загадка юркий, шустрый, быстрый

томдан похол ташлайди ғалди пакана с крыши солому сбрасывает юркий, низкорослый (Бритва)

рвш. Бу галги, Навбатдаги, бу сафарги.

Тўғриси, дадаси хоҳ ёқтирсин, хоҳ ёқтирмасин, Қудратнинг бу галги аҳди қаттиқ эди. — Ҳ. Назир, Ёнар дарё

Фашистларнинг ҳар галги ҳужуми муваффақияциз чиқаверади. — Т. Рустамов

сфт. Услуб жиҳатидан тўмтоқ; равон эмас, тушунилиши оғир; мужмал.

Ғализ ибора. Ғализ жумла.

Баъзан ғализ жумла устида Соатлаб бош қотирганим бор. — А. Орипов, Йиллар армони

Ғализроқ гапирдингиз, хоним. Одам ўзида эмас, кабинетда бўлади. — М.М. Дўст, Галатепа қиссалари