Қидирув

от 1. Ёниб турган ўтдан, оловдан кўтарилаётган ёлқин.

Газ алангаси.

Шам алангаси ҳар томондан эсиб турган шабадада тебранар эди. — А. Қаҳҳор, Кўр кўзнинг очилиши

2. Ёруғлик; ёруғ шуъла.

Ашулачиларнинг қуёшда қорайган юзлари машъалларнинг алангасида йилтиллар эди. — А. Мухтор, Опа-сингиллар

3. кўчма Ўт олдирувчи, жўшқин жараён; жўшқинлик, ҳовур; юракка ўт солувчи, ёндирувчи ҳис-туйғу.

Фироқ алангаси. Ишқ алангаси. Уруш алангаси. Ғазаб алангаси.

Дўсти ғариб, кел, қўлингни тут, Юрагингга ёқай аланга. — А. Орипов

Муздай чой ичини қовураётган аланга тафтини сап пасайтиргандай бўлди. — А. Кўчимов, Ҳалқа

сфт. 1. Аланга бериб ёнаётган; ёлқинли.

Алангали гулхан.

2. кўчма Қизғин, оташин.

Алангали салом.

фл. 1. Аланга олмоқ, аланга олиб, ёлқинланиб ёнмоқ, ўт олмоқ.

Радиокарнайи осилиб қолган танк тўхтади-да, бир оздан кейин алангаланди. — И. Раҳим, Чин муҳаббат

2. кўчма Жўшқин тус олмоқ, тутақмоқ.

Бу сўзни эшитиш билан Нурининг сўнган умиди алангаланди, кўкраги ёниқ орзулар билан тўлди. — Ойбек, Танланган асарлар

— Жўна кўзимдан, оқпадар, кет, нақ илигингни синдираман қайтиб келсанг, — борган сари алангаланди чол. — Ҳ. Аҳмар, Ким ҳақ?

фл. Алангаланмоқ феълининг орттирма нисбати.

фл. Алангаланмоқ феълининг орттирма нисбати.

а combustible, ignitable, ignitible