Поиск

sft. 1. Koʻrkam binolar, chiroyli koʻchalar, bogʻ-u rogʻlar bilan goʻzallik kasb etgan, gullab-yashnagan.

Obod shahar.

Vatanni obod qilish fidokorlikdir. — Gazetadan

Baqaqurulloq serdaraxtligi, maydondagi bir-ikkita oq uylari bilan Qoʻgʻazordan xiyla obod koʻrinar edi. — A. Qahhor, Qoʻshchinor chiroqlari

2. Yaxshi qarov, parvarish bilan yetishtirilgan.

Obod bogʻ.

Hirot muzofotida Hurrud boʻyida bir oila tomonidan kattagina bir bogʻ obod qilingan edi. — S. Ayniy, Qullar

Yaxshi ishlasak, oʻz turmushimiz farovon, yurt obod boʻladi. — Oybek, Oltin vodiydan shabadalar.

3. Xalq koʻp yigʻiladigan, gavjum va ser-fayz.

Obod park,

Qishloqning bu ovloq joyi maktab qurilishi boshlanganidan buyon obod bir saylgoh boʻlib qoldi. — P. Tursun, Oʻqituvchi

Qish kechalari juda uzun, shuning uchun choyxonalar obod. — A. Qodiriy, Oʻtgan kunlar

4. Xursand, shod.

Kimdir toma bilan dunyo kezadi, Kimdir oʻksik dilni etadi obod. — A. Oripov, Yillar armoni

5. Baʼzi otlarga yoki ayrim sifatlarga qoʻshilib, shahar, qishloq va shu kabilar nomini yasaydi, masalan,

Nurobod, — Ishqobod. Bekobod, Yangiobod

Ular Qurbaqaobod mavzeyiga yetib, odamlardan Normatxoʻjaning bogʻini surishtirdi. — Oybek, Tanlangan asarlar

ot Harbiy qismlarning transport vositalari majmui.

Polk obozi.

sft. ayn. Obod.

Yurtimiz tinch, obodon, toʻyinchilik. Qurdosh gurungida biz ham sohibnafasmiz. — Gʻ. Gʻulom, Tanlangan asarlar

ot 1. Pulning aylanishi, muomalada boʻlishi.

Kapital oboroti. Oborotdagi pullar.

Xalq xoʻjaligining transport, aloqa, kapital qurilish, tovar oboroti, fan, madaniyat va boshqa tarmoqlari ham ildam rivojlanmoqda. — Fan va turmush

Bu odam asli palandaralik boʻladi. Kredit texnikumida oʻqib yurganimda, bizga pul, oborotidan bankda praktika olib borardi. — S. Ahmad, Jimjitlik

2. Shunday muomalada aylangan yoki toʻplangan pul.

Korxonaning billik oboroti. Mablagʻ oboroti.

3. tlsh. Bir sintaktik butunlikni tashkil etgan soʻzlar guruhi,gap qurilishi.

Sifatdosh oborot. Ravishdosh oborot.

ot 1. harb. Avtomat yoki toʻpponchaning oʻq joylanadigan va magazin korobkasiga suqib qoʻyiladigan ramkasi.

Oboymaga oʻq joylamoq.

2. tex. Mashina detallarining mahkam ushlab, tutib turuvchi gardish qismi.

Podshipnik oboymasi.

ot Obod holat.