Қидирув

от 1. Хўжа, хўжайин.

[Беруний:] Гурганж амиридек золим юртимизга хожа бўлса, ҳолимизга вой! — М. Осим, Жайхун устида булутлар

2. Тасаввуфда: тариқат машойихларига бериладиган унвон.

Хожа Юсуф. Ҳамадоний, Хожа Абдухолиқ Ғиждувоний.

от Мевали бута ўсимлиги ва ўсимликнинг майда, тўқ қизғиш рангда бўладиган меваси; малина.

Маълумки, хўжағат, қорағат, саримсоқ, зирк сингари ботаник атамалар ўзбек тилида қадимдан ишлатилиб келади. — ЎТА

от 1. иқт. Жамият ишлаб чиқариш кучларининг тегишли тараққиёт босқичига мувофиқ келувчи ишлаб чиқариш муносабатлари мажмуи; ижтимоий ишлаб чиқариш усули.

2. Ишлаб чиқаришни ташкил этадиган, уни юзага келтирадиган омиллар; ишлаб чиқариш мажмуи; ишлаб чиқариш.

Мамлакат халқ хўжалиги. Қишлоқ хўжалиги.

Оқсоқол чойдан яна ҳўплади-да, ҳар ким ўз мол-жонини ҳисобдан ўтказиши лозимлигини, раён хўжалик ташкилотларининг бу ишни шошилтираётганини гапирди. — П. Турсун, Ўқитувчи

3. Ишлаб чиқаришнинг бирор соҳаси, тармоғи.

Сув хўжалиги. Ўрмон хўжалиги.

Шундай қилиб, бинокорлик бригадаси колхознинг бошқа хўжалик тармоқларидаги энг сара ва муҳим бригадалар қаторига кириб олди. — А. Қаҳҳор, Қўшчинор чироқлари

4. Бирор кимса, ташкилот ёки халқ ихтиёридаги барча моддий бойлик, мулк-ашё, ер-сув, уй-жой, асбоб-ускуна ва жиҳозлар.

Сал кунда колхоз хўжалиги бир қадар тартибга тушгандай бўлди. — А. Қаҳҳор, Қўшчинор чироқлари

5. Қишлоқ хўжалигидаги ва умуман ўз ер-сувига, мулкига, ишлаб чиқариш воситаларига эта бўлган ҳар бир алоҳида ишлаб чиқариш бирлиги, корхона.

Тангриқул ҳожи бақувват хўжалик эди. Ғулом ака ел келса йиқиладиган беқувват хўжалик эди. — А. Қаҳҳор, Қўшчинор чироқлари

Кейинги йилларда мен раҳбар бўлган хўжалик негадир оқсаб қолди. — Муштум

6. Алоҳида уй-жойга эта бўлган ҳар бир оила, хонадон.

Ёйишга жойи бўлмаган хўжаликларгина молларини оғилхонага қамаб боқади. — С. Анорбоев, Оқсой

— Бугун биз колхоз-да олтмиш хўжалик бўлсак, эрта-индин тўқсон, юз хўжалик бўламиз, — деди Абдурасул. — П. Турсун, Ўқитувчи

от 1. Бирор нарсага, масалан, ер-сув, мол-мулк, уй-жойга эгалик қилувчи шахс; хусусий мулк эгаси; мулкдор, бой.

[Мирзакаримбой:] Ваъда Нодон. Хўжайин деган хизматкорларини қизиқтириш учун ваъда қилаверади-да — Ойбек, Танланган асарлар

2. Бирор нарсанинг тўла ҳуқуқли эгаси.

Ўзимиз хўжайин ўз еримизга, Эркинмиз, номимиз, ҳуқуқимиз бир. — Р. Бобожон

3. с. т. Раҳбар ходимга мурожаат шакли.

— Хўжайин, машина тайёр, — деди шофёри. — Газетадан

4. с. т. Аёл кишининг турмуш ўртоғига мурожаат шакли.

— Хўжайин, овқат тайёр бўлди. Келтирайми? — Мастура ошхонадан туриб сўради эридан. — Ёшлик

xojayın hayal, xojayınnıń hayalı

Khujabad.