Поиск

und. s. Gʻam, qaygʻu, alam, afsus yoki ogʻriqni ifodalaydi; oh, voy.

Turfa savdolar boshima tushdi, ketdi ixtiyor, Voh, oʻtarga oʻxshadi endi umr zanjirda. — Hamza

Qizil gulday xotinim qoldi Voh, voh, peshonam Yodimga tushsa, jigarim xun boʻladi. — Oybek, Tanlangan asarlar

ot Choʻl va chalachoʻllarda obod qilingan yer.

Zarafshon vohasi. Xorazm vohasi.

Bir tomchi suvga zor boʻlib yotgan dasht oʻzlashtirilib, maʼmurchilik vohasiga aylantirilib, Oqar qishlogʻi aholisi qarab turarmidi. — Oʻzbekiston qoʻriqlari

Vohaning uzunligi nari borsa uch-toʻrt farsang, kengligi koʻp boʻlsa bir farsang kelar. — O. Yoqubov, Koʻhna dunyo

Tuprogʻi serunum, iqlimi moʻtadil, ammo suvi kamchil Qashqa vohasini bogʻ-rogʻlarga aylantirish qadimiy orzu edi. — Oʻzbekiston qoʻriqlari

sft. 1. esk. kt. 1 Bir, yakka, yolgʻiz; birdan-bir.

Toʻy tugagach, vadayi vohid qayta-qayta eslatilib, quyuq xayrlashildi. — N. Aminov. Yolgʻonchi farishtalar

2. esk. mat. Birlik (oʻlchov birligi).

3. Yagona substansiya (alkimyogarlar tasavvurida).

4. Vohid (erkaklar ismi).

ot Yakkalik, yagonalik.

fl. Voh-voh deb dodlamoq.

ot ayn. Oh-afgʻon.

Bundan qutulish uchun oh-voh, yigʻi-sigʻi sira foyda bermaydi. Qulchilikdan chiqmoqchi boʻlsak, kurashga bel bogʻlashimiz kerak. — Oybek, Tanlangan asarlar