Hayot Foundation loyihasi
Loyiha haqida
Oʻz
Oʻz

Qidiruv

«soni» boʻyicha 307 ta natija: Lugʻatlar

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Qoraqalpoqcha Fransuzcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha

Lugʻat maqolalari

164 ta
son
Izohli lugʻat · yana 13 ta lugʻatda

ot 1. mat. Narsalarning qanchaligini, sanogʻini, adadini hisoblash uchun xizmat qiladigan vosita; matematik tushuncha.

Butun sonlar. Kasr sonlar. Sonlar nisbati. Sonlar nazariyasi.

Son tushunchasining rivojlanishiga oʻrta asr matematiklari ham katta hissa qoʻshdilar. — OʻzME

2. s. t. Raqam.

Bir soni. Yigirma besh soni.

3. Miqdor, sanoq; adad.

Kelayotgan ayollarning soni yoʻq. — Oybek, Tanlangan asarlar

Soʻnggi sirk, yil mobaynida respublikamizda ilmiy xodimlarning umumiy soni 103 marta., koʻpaydi. — Fan va turmush

4. Nomer; tartib nomeri.

Ikkinchi son oʻrta maktab.

Mulla Nasriddinning u sonini ochiq eslay olmasam ham, koʻrganligim xotiramda ravshan bor. — A. Qodiriy, Kichik asarlar

5. tlsh. Predmetlarning miqdorini, son-sanogʻini va sanoq jihatidan tartibini bildiruvchi soʻz turkumi.

Sanoq sonlar. Tartib sonlar. Chama sonlar.

  • Son mingta Juda ham koʻp, necha-necha mingta. Yoshullini, marhuma Qurbonoy qizimizni maqtaganlar son mingta. Ularni soʻyaylik, mening oʻzimni maqtaganlar-chi? — M. M. Doʻst, Lolazor
  • Soni bor, salmogʻi yoʻq
  • Son kirdi (yoki tegdi) Durust boʻlib qoldi, tuzaldi. Unga hech son tegmaydi.[Qoʻchqorning] Qoʻpolliklari ham yoʻqolib boryapti. Kiyim-boshiga son kirib soldi. — A. Yoqubov, Sh. Shodiyev, Topilgan qiz
  • Songa qoʻshilmoq (yoki kirmoq) 1. Hisobga, qatorga kirmoq. Kimgaki boʻlmasa aql-u bilim yor, Qoʻshma uni odam soniga zinhor. — Fan va turmushSonsiz xotinning uyi songa kirmas. — Maqol[Oshno:] Bu yerlar ham songa kiradi, yashildan libos kiyadi, bogʻ-u boʻstonga aylanadi — M. M. Doʻst, Lolazor
  • Sondan chiqmoq 1. Hisobdan, qatordan, odamgarchilikdan chiqmoq. — Hadeb uyda oʻtiraverish ham odamni sondan chiqaradi, — dedi kampir Sanamga. — Sh. Xolmirzayev, ToʻlqinlarUrush hammani sondan chiqardi. — Yoshlik
Toʻliq maqola →
soʻniq
Izohli lugʻat · yana 2 ta lugʻatda

sft. 1. Oʻchgan, soʻngan, oʻchirilgan, oʻchiq.

Soʻniq pech.

2. Xira, nursiz.

Soʻniq yulduzlar.

Soʻniq koʻzlari moʻltirab turgan, har bir buyruqni soʻzsiz bajaruvchi yigit, qadam tashlashidan yosh juvonga oʻxshagan juldur paranjili ayolni saroy tomon boshladi. — M. Osim, Karvon yoʻllarida

3. koʻchma Siniqqan, soʻlgʻin.

Soʻniq chehra.

Hafiza noumid uyga keldi. U soʻniq, kayfi past edi. — Mirmuhsin, Umid

Balki qarshingizga kelgandir munis Beva kelinchakning soʻniq ruxsori. — A. Oripov, Yillar armoni

4. Harorati, qoʻri ketgan; soʻngan.

Qalbi soʻniq kishilar.

5. koʻchma Boʻgʻiq, hazin.

Soʻniq tovush.

— Hech qanday aybim yoʻq, hech narsa bilmayman, ogʻa, — dedi soʻniq ovoz bilan Abdusalomxoʻja. — J. Sharipov, Xorazm

  • Ruhi soʻniq yoki soʻniq ruh Ruhi tushgan, ruhi soʻlgʻin. Ruhi soʻniq kishidan putur ketar ishidan. — MaqolPaygʻamov xotinining soʻniq ruhi, sovuq qarashlarini Nusratbek sezganidan pinhona iztirob chekdi. — S. Nurov, Maysalarni ayoz urmaydi
Toʻliq maqola →
soniya
Izohli lugʻat · yana 4 ta lugʻatda

ot ayn. Sekund 1.

Shundan bir-ikki soniya ham vaqt oʻtmadi, yoʻlak ogʻzida bir koʻlaga koʻrindi. — A. Qodiriy, Kichik asarlar

Soʻylang-chi, vafoning nadir simmati, Siz ham kutganmisiz biror soniya? — A. Oripov, Yillar armoni

Oraga bir soniya sukunat choʻkdi. — N. Norqobilov, Toʻqnashuv

Toʻliq maqola →
soʻniqlik
Izohli lugʻat · yana 1 ta lugʻatda

ot Soʻniq, nursiz boʻlishlik; ruhi tushganlik, ruhsizlik.

Nurning soʻniqligi. Koʻzning soʻniqligi.

Chunki kishi yuzidagi soʻniqlik, esnash odatidek, darrov boshqalarga ham oʻtadi. — Mirmuhsin, Ildiz va yaproqlar

Toʻliq maqola →

Hammasini koʻrish · 164 →

Taʼriflar ichida

143 ta

Hammasini koʻrish · 143 →