Қидирув

от 1. 3-шахс бирликда (сингли ва синглиси)

2. Бир ота-онадан туғилган қизларнинг кичиги (опаларига, акаларига нисбатан).

Кичик сингил. Ўртанча сингил.

Энди ишим ўнг бўлади: энди аям, укам, синглим зориқмайди. — Ойбек, Танланган асарлар

Солиҳ махдум онаси ва ўн олти ёшли Найма исмли синглиси билан Қўқонда қолди. — А. Қодирий, Меҳробдан чаён

3. Ўзидан кичик қизларга, аёлларга мурожаат қилинганда қўлланадиган сўз.

— Кўп ўқигансиз, лекин кам биласиз, синглим! — деди ўқитувчи [Гавҳарга]. — Ў. Ҳошимов, Қалбингга қулоқ сол

Офтоб ойимни Ўзбек ойим ўтқазгани жой топмас, “қуда“ сўзи ўрнида синглим деб хитоб қилар, ошни ҳам унинг раъйини сўрамасдан буюрмас эди. — А. Қодирий, Ўтган кунлар

от Кимсага сингил мақомида бўлиш; сингил каби муносабатда бўлиш.

Сингиллик қилмоқ.

Шуни қолипга солиб бермасангиз бўлмайди, синглим. Бир сингиллик қилинг! — А. Қаҳҳор, Қўшчинор чироқлари

н brother and sister

от Бир ота-онанинг турли ёшдаги қизлари (бир-бирига нисбатан).

Улар опа-сингил.

Мастура Насимжоннинг ёш хотини билан опа-сингил тутиниб, у боёқишни шундай аврайди — Ойбек, Олтин водийдан шабадалар

от Қайин сингил (эрнинг синглиси унинг хотинига нисбатан ва хотиннинг синглиси унинг эрига нисбатан).

Улар [Нурининг] келинойилари шошиб-пишиб ўринларидан туришди-да, қайнсингилни қарши олиш учун ҳовлига тушишди. — Ойбек, Танланган асарлар

н sister-in-law