Изоҳли луғат
· яна 5 та луғатда
от 1. Улуғвор ташқи қиёфа, салобатли кўриниш, салобат, маҳобат.
Уста унинг елкаси, савлати, ғайрати, куч-қувват ёғилиб турган вужудига ҳавас билан боқди. — Т. Ашуров, Оқ от
Пўлат полвон дегай номин халойиқ, Иши ҳам савлати номига лойиқ. — Ҳабибий, Девон
2. кўчма Кўрк, ифтихор.
Ўсмирлар — давлатимиз, Кексалар — савлатимиз. — Қ. Муҳаммадий
- Савлат тўкмоқ Бутун савлати билан кўзга ташланмоқ. Умар полвонга энди бари бир бўлгани учун совуққонлик билан қоядай савлат тўкиб турарди. — К. Яшин, Ҳамза
- Савлатидан от (ёки ит) ҳуркади Жуда савлатли; салобати одамни босади. Эрталаб келсам, хонага одам сиғмай кетибди, ҳар олимларки, савлатидан от ҳуркади денг. — Х. Тўхтабоев, Ширин қовунлар мамлакати