Қидирув

от 1. Нарса ёки кишиларнинг бир ёʻл (чизиқ)да жойлашган ҳолати; шундай жойлашган тизими.

Қатор уйлар. Қатор тераклар.

Нонвойлик растасига келсалар, қатор дўконларнинг ҳаммаси ёпиқ. — П. Қодиров, Юлдузли тунлар

Андижон деган катта юрт, Тевараги қатор тут. — Қўшиқлар

Тутларнинг қатор ораларига ишлов берилмоқда. — Газетадан

Саодатхон олдинги қаторда ўтирган Лолахонга қаради. — С. Зуннунова, Янги директор

2. айн. Саф 1.

Қаторда катта-катта одимлар отиб бораётган Элмурод шикоят-ланди. — П. Турсун, Ўқитувчи

Душман қайта-қайта атакага ўтиб, қаторларимизни ёриб ўтишга ҳаракат қилмоқда. — Т. Рустамов, Мангу жасорат

Рота бир қатор бўлиб, сўқмоқдан кетмоқда эди. — А. Қаҳҳор, Олтин юлдуз

3. Бирор ижтимоий гуруҳ, ташкилот ва шу кабиларга мансуб кишилар мажмуи; саф.

Илғорлар қатори кенгаймоқда. Қатордан қолгунча хатардан қол. — Мақол

Бу йигитни Чилимаҳрам тоғи этагида аскарий машқ ўтказаётган навкарлар қаторига қўшинг. — П. Қодиров, Юлдузли тунлар

Шериклари қаторига қўшиб, уни ўқитамиз. — Ҳ. Назир, Ёнар дарё

4. Бир қанча, бир талай, анча кўп.

Аҳоли орасида жисмоний тарбияни ривожлантириш соҳасида қатор ишлар амалга оширилди. — Газетадан

Романдаги қатор образларнинг замирида конкрет тарихий шахслар ётади. — Газетадан

5. мат. Маълум тартибда жойлашган катталиклар сираси.

Бутун сонлар қатори. Фуре қаторлари. Қаторлар назарияси.

6. ким. Ўзаро маълум муносабатда боғланган кимёвий бирикмалар гуруҳи.

7. кўм. взф. (З-ш. эгалик шаклида — қатори) Ўхшатиш, қиёс муносабатини (каби, тенги каби маъноларни) билдиради.

Мана энди, у одамлар қатори эрталаб ишга бориб, кечки пайт, эл-юрт қатори, уйга қайтади. — Т. Ашуров, Оқ от

кеча-ю кундуз ўшанинг жувозида, яйловида ишлашади. Биз ҳам шулар қаторимиз-ку!? Нимамиз ортиқ?! — А. Мухтор, Қорақалпоқ қиссаси

Мен Зокир ота билан Рўзиматни қоралаб, ўзимни оқламоқчи эмасман. Шулар қатори мен ҳам гуноҳкорман. — А. Қаҳҳор, Қўшчинор чироқлари

8. айн. (3-ш. эгалик ва ў.-п. к. шаклида — қаторида) қатор 7.

Агар менга ҳурмат лозим бўлса, муболаға билан эмас, яна такрор айтаман, бир қариндошингиз қаторида такаллуфсиз муомала қилиш билан бўлсин!. — А. Қодирий, Меҳробдан чаён

Шу қатори-да бадиий адабиёт ва санъат ҳам бир қадар эътибор топади. — Фан ва турмуш

Юсуфбек ҳожи бекнинг уйланишини ҳам оддий гаплар қаторида эшитиб ўткарди. — А. Қодирий, Ўтган кунлар

рвш. 1. Бирин-кетин, бирваракайига, бирёʻла, бир ҳаракат билан.

Уч самоварга қаторасига сув солиб, кўмир ташлаб қўйди. — Ойдин, Ҳазил эмиш

Қамчи, охирги марта қаторасига ўқ отилган жойни тахминан мўлжалга олган бўлса ҳам, тўқайга кирганда, мўлжалдан адашди. — Ҳ. Ғулом, Машъал

2. Бир қатор қилиб, ёнма-ён, қатор.

Ҳовлининг уч томони бир уй, бир айвон қилиб қаторасига солинган янги бинолар билан ўралган, бир томони гилосзор боғча. — Ойбек, Танланган асарлар

Деҳқонлар дарё бўйидаги қаторасига кетган катта-кичик бешта ҳавзага ўрнашган бўлиб, бу ҳавзаларнинг ҳар бири бир маҳалла, ҳаммаси Капсанчилар қишлоғи деб атар эди. — А. Қаҳҳор, Қўш-чинор чироқлари

фл. Қатор қилмоқ, қатор қилиб тизмоқ, жойлаштирмоқ, термоқ.

Стулларни қаторлаб қўймоқ. Қаторлаб экмоқ. Қаторлаб экадиган сеялка.

Бир неча қатордан иборат бўлган; ёнма-ён, кетма-кет қаторлар.

Қатор-қатор турналар. Қатор-қатор машиналар. Қатор-қатор стуллар.

Элмурод худди чўғдай ёниб турган қатор-қатор сўзларни ўқиди. — П. Турсун, Ўқитувчи

Қатор-қатор ўтқазилган ёш ва нимжон ниҳоллар эндигина япроқ чиқарган эдилар. — Ш. Рашидов, Бўрондан кучли

фл. Қаторламоқ феълининг мажҳул нисбати.

фл. 1. Қатор бўлмоқ, қатор бўлиб тизилмоқ, жойлашмоқ.

Симда қалдирғочлар қаторлашиб ўтирибди. Машиналар қаторлашиб ўтмоқда.

Фермада сут тўла бидонлар қаторлашиб турибди. — А. Мираҳмедов, Кулган чечаклар

Қаторлашиб ётган кексалар ва гўдакларнинг юзида неча кунлик азоб ва уқубат ғамнинг доғи кўриниб турарди. — И. Раҳим, Чин муҳаббат

2. Кўп бўлмоқ, кўплигидан тиқилиб, қалашиб ётмоқ.

Нуротанинг тарвузи қаторлашиб, зумраддай ўиждувон узумлари, сер-сув тукли шафтолилари тахланиб ётардилар. — М. Жўрабоев, М. Б. мартабаси.