Qidiruv

ot 1. Vaqtni koʻngilchogʻlik bilan yoki zerikmay oʻtkazish uchun xizmat qiladigan narsa, mashgʻulot.

Bolalar ermagi. Bekorchilikka ermak. Ertak — ermak.

Ovqatdan keyin ermak uchun oʻzining ham oʻzga shoirlarning muammolaridan bir nechasini oʻqib, yashirilgan ismlarni topishni iltimos qildi. — Oybek, Navoiy

2. Koʻngilga tasalli beradigan, ovutadigan narsa, kimsa; ovunchoq, yupanchiq.

Nazokatning birdan-bir mashgʻuloti va ermagi dutor edi. — Sh. Rashidov, Boʻrondan kuchli

Yolgʻizlikning dastlabki kunlarida uning ermagi faqat Toʻlqin bilan Uchqun boʻldi. — H. Gʻulom, Mashʼal

3. Masxara, kulgi, mazax boʻlgan kimsa, narsa.

Qizlar Salimaxonni ermak qilib, kulishib oʻtirganlarida, Xadichaxon kirib keldi. — N. Fozilov, Oqim

ot Ermak qiluvchi, kimsani mazax, masxara qiluvchi odam.

Devonaning oʻpkasi shishib ketdi, ermakchilar uning yuragiga galma-gal oʻt yoqar edilar. — A. Qodiriy, Oʻtgan kunlar

fl. kam qoʻll. ayn. Ermak qilmoq 1, 2.

Samovarchi keltirib qoʻygan choyni men ham maydalab ermaklay boshladim. — Hamza, Tanlangan asarlar

Senga oʻqishni kim qoʻyibdi, deb ermaklagan kim edi? — P. Tursun, Oʻqituvchi

Ermak qilish ishtiyoqida boʻlgan, ermak istovchi.

Yoʻlovchilardek ermaktalab xalq kamdan-kam boʻladi. — S. Ahmad, Xotin

ot 1. Termalarni doʻmbirada kuylovchi baxshi.

2. Boshqalarning asarlaridan terma qiluvchi adib.

Shoshma, shu qoʻllarim qanotini yozgani yoʻq; mana bu termakash Oʻsarjonni chetga chiqarib qoʻyaman. — Oybek, Oltin vodiydan shabadalar

Bu tushuncha yozuvchi Uilyam Gibson tomonidan 1984 yili “Cyberspace ” (“Kibermakon”) deb nomlangan trilogiyaning birinchi romani “Neuromancer” (“Neyromant”) chop etilishi bilan bogʻliq. U dunyoning barcha kompyuterlaridagi elektron maʼlumotlar aylanib yuradigan virtual makonni taʼriflaydi.inglizchacyberspaceruschaкиберпространство