от 1. Сутемизувчиларнинг ицимонлар оиласига мансуб йиртқич ҳайвон; қашқир.
Айрилганни айиқ ер, бўлинганни бўри ер. — Мақол
Бўридан қўрққан тўқайга кирмас. — Мақол
Сувонжон қўрага ҳужум қилган бир оч бўрини отиб олибди. — С. Анорбоев, Оқсой
Бу чўлда бирам бўри кўп эканки, кечаси билан қўрқиб чиқдим. — С. Аҳмад, Уфқ
2. Кўчма Ёвуз, қонхўр, шафқациз одам ҳақида.
Юрагим сан эдинг, Гулнор, кўзим илгари очилган бўлса эди, ман ўз юрагимни бўриларга едирармидим? Тонгла маҳшарда қай юз билан санга боқаман? — Ойбек, Танланган асарлар
Аҳмад Ҳусайн оқариб кетди-ю, лекин индамади, чунки бўрилар орасида эканини яхши биларди. — Ойбек, Нур қидириб
Бадиа хона бурчагига тисарилди. Рўпарасида турган даҳшатли бўридан кўз узмасди. — Мирмуҳсин, Меъмор
3. Бўри (эркаклар исми).
- Бўри боқиш (ёки қараш) қилмоқ Қўрқинчли, даҳшатли қарамоқ, еб қўйгудек қарамоқ. Бир қўлида теша, Санобарга бўри қараш қилиб яқинлашди. — К. Яшин, Ҳамза
- Бўри ейдими Нимадан қўрқасан деган маънода ишлатиладиган ибора. [Ҳаёт:] — Воей, сизам бир қизиқсизки, буви, нима, мени бўри еб кетармиди? — деди-ю, ҳовли этагига юриб кетди. — М. Исмоилий, Фарғона тонг отгунчаЛатифжон ҳиринглаб: — (Дипломни) бўри ермиди, уйнинг тўрига экиб қўйганман, — деди. — Муштум
- Бўримисиз, тулкимисиз? Қуруқ қайтдингизми ёки ундириб? деган маънода ишлатиладиган ибора. [Ҳасан:] Қуруқ келишга уялдим-да, тақсир! [Қодирқул:/ Қани, бўримисиз, тулки? — Ҳамза, Бой ила хизматчи
- Бўрининг оғзи еса ҳам қон, емаса ҳам қон Ёмонлиги билан танилган, ёмонлигини қўйса ҳам, қўймаса ҳам — ёмон деган маънода ишлатиладиган ибора. Бўрининг еса ҳам, емаса ҳам оғзи қон. — Шукрулло, Сайланма
- Бўри туғди (ёки болалади) Кун чиқиб туриб, ёмғир ёғаётганда айтиладиган ибора.
- Бўри қулоғи овда Номаълум кишилар ёки айғоқ-ағёрлар гап пойлаб юргани ҳақида ўз киши-сини огоҳлантириш учун ишлатиладиган ибора.
- Қўйни бўрига топширмоқ Бирор нарсани ёки ишни энг кўп зарар етказадиган ёки суиистеъмол қиладиган, оқибациз кишига топшириб қўймоқ. Муродова билмайди. Шунинг учун кейинги аризани Давроновга юборибди. — Қўйни бўрига топширибди-да. — И. Раҳим, Ихлос