Қидирув

от 1. Эркинлик, шўхлик; ақлсизлик; тарбиясизлик.

Ёшлик — бебошлик. — Мақол

Нурли чеҳрангизда қолдиргандир из Болалигимизнинг шўх бебошлиги. — А. Мухтор, Асарлар

Вой ўлай, шотини олиб қўйиш эсимга келмаганини қаранг Ҳой қиз, тушинг. Бундай бебошлик қилманг. — П. Турсун, Ўқитувчи

2. Ўзбошимчалик, қонунсизлик.

Амалда сиз айтгандай қилинса, бебошликка катта ёʻл очилади, ҳаммаёқ анархия бўлиб кетади. — П. Қодиров, Уч илдиз

сфт. 1. Боши (калласи) ёʻқ; боши кесилган, бошсиз.

Бир севгини айларканман фош, Истамасман, севгингиз асло Ҳайкал каби бўлишин бебош. — Сайёр

2. кўчма Ақлсиз, нодон.

Мен бебош қулингизни маъзур тутинг. — Шарқ юлдузи

Дадажон, бебош ўғлингизни кечиринг, начора, дунёга сизларни ғам-ғуссага ботиргани келган эканман. — К. Яшин, Ҳамза

3. кўчма Тўғри маслаҳатга юрмайдиган; ҳеч кимга қулоқ солмайдиган; гапга кирмайдиган; қулоқсиз; тарбиясиз.

Неча кундан бери акангни кириб кўр, дейман, бу бебош уяламан, деб ҳеч кирмайди. — А. Қаҳҳор, Сароб

Азизхон бебош, ерга урса кўкка сапчийдиган, қилиш-қилмишидан элга нафи тегмайдиган бебошвоқ йигит. — У. Норматов, Талант тарбияси

ёшлигим ҳам бебош ўтган. Ахир, бебош йигитга ким ҳам кўнгил қўярди, — деди Усмон. — А. Эшонов, Бир оғиз сўз

4. кўчма Тарбия-интизомга бўйсунмай қуйган; итоациз, ўзбошимча.

Подшоҳларини бекор қилган Россия халқи жуда бебош бўлиб кетган, ҳозир ҳукумат бошида ўтирганларга ҳеч ким итоат қилмайди. — С. Айний, Қуллар

Ғузор фуқароларига маълум бўлсинким, тоғ-у тошларда қочиб юрган бебошлар келиб, Бек жанобларининг оёқларига йиқилсалар, афв этурлар. — Ш. Тошматов, Эрк қуши

Ҳозирча исён туғини кўтариб келган бу бебошларнинг гапига кўнишдан бошқа илож ёʻқ. — М. Осим, Ибн Сино қиссаси

5. кўчма Ёмон ёʻлга кирган, ахлоқи бузилган.

Отаси, қандайин нозанин жувон тўғри келса ҳам, кўз қирини ташламасди. Бу бебош бўлиб кетди, тиядиган кишиси бўлмади. — Ойдин, Ҳикоялар

Шундай бебош бўлиб кетди қизгинанг, Ота-эна фарзандини тиймайми? — Гулнорпари

6. кўчма Тийиб, тўхтатиб, қайтариб бўлмайдиган; жиловсиз.

Бебош шамол. Бебош дарё. Бебош тўлқинлар.

Амударё дали — телба дарё, бебош дарё дейишади. — Раҳим Бекниёз

Бебош изғирин бу кенг даштда елиб-югуради. — Ҳ. Шамс, Душман

—Сесканиб уйғониб кетдим. Ўрнимдан туриб ўтирдим, бебош хаёл мени олиб қочди, — деди Нафиса. — Ғайратий, Узоқдаги ёр

погов. молодость — без руля и без ветрил, ≈ молодо — зелено.

1. bosatıp, sheship jiberilgen

2. biybastaq, parıqsız

от 1. Бўшатиб, ечиб юборилган, бошвоқсиз.

Бебошвоқ мол.

Сигир жониворни йил-ўн икки ой бебошвоқ қўйдингми — тамом, ундан қўлингни ювиб, қўлтиғингга уравер. — Ў. Умарбеков, Юрак сўзлари

Бизнинг даргоҳга яқин жойда икки яшар чамали бир ола танача бебошвоқ ўтлаб юрар эди. — Ғ. Ғулом, Шум бола

2. кўчма айн. Бебош 3, 4, 5, 6.

Бетончиларимиз орасида бир-иккита бебошвоқ болалар бор, улар кўпинча одамларни ишдан қўйиб, сандироқлаб юради. — Ш. Ғуломов, Ёрқин уфқлар

Азизхон элга нафи тегмайдиган бебошвоқ йигит. — У. Норматов, Талант тарбияси

Чақмоқдай бебошвоқ, тошқиндай бераҳм, Лекин кўзларингда бир олам ҳаё. — Миртемир