от 1. Дарё бўйлаб чўзилган ёки тоғлар орасидаги кенг текислик.
Дарё водийси. Тоғ водийси.
Катта-кичик водийларни қоплаб ётган туман худди кўлга ўхшаб кўринар эди. — А. Қаҳҳор, Олтин юлдуз
Бир томонингиз — харсанглар макони, иккинчи томонингиз — уфққа туташ ям-яшил водий. — Ж. Абдуллахонов, Орият
2. Умуман экин экиладиган, обод ер.
Амударёни жиловласак, Ўзбекистонда бутун-бутун янги пахта водийлари яратилади. — Ойбек, Олтин водийдан шабадалар
3. Умуман, мамлакат, юртнинг бир бўлаги; диёр.
Чўлқуварлар бир мақсад — Сурхон, Шерободни боғ-роғли водийга айлантириш орзуси билан яшамоқдалар. — Ўзбекистон қўриқлари
Бу чол Гулистондагина эмас, бутун водийда чавандоз номини олган улоқчи эди. — И. Раҳим, Чин муҳаббат
4. кўчма Бирор нарса учун хос бўлган жой, макон.
Афтидан, унинг ўзи ҳам афсонавий гўзаллик водийсини кўришга ошиқарди. — С. Кароматов, Олтин қум
Ротамиз жангчилари ярадорларни кўтариб чиқишар, ҳалок бўлганлар ўрнига ёрдамчи жангчиларни эргаштириб, ажал водийсига кириб боришарди. — Т. Рустамов, Мангу жасорат
— Мен ўлим водийсида хизмат қилганман, — деди ошпаз. — Ойбек, Қуёш қораймас
- Жунун водийси Мажнунлик, телбалик олами. Жунун водийсига мойил кўрармен жони зоримни. А. Навоий.
- Ишқ водийси Ишқ-муҳаббат олами.
- Фано водийси Ёʻқлик (ёʻқ бўлиш) олами. Чиқолмай сира маълум гирдобдан, Фано водийсини кезган бандалар. — Ғайратий