Поиск

ot 1. Qatʼiyat bilan qilingan soʻrov, iltimos.

Lekin nima qilsin, rahbarning buyrugʻi, talabi. — H. Shams, Dushman

Zamira koʻpchilikning talabi bilan oʻrnidan turar ekan, qizil atlas koʻylagining rangi yuziga urganday, qip-qizarib ketdi. — P. Qodirov, Uch ildiz

2. Bajarilishi, boʻlishi shart va taqozo etiladigan narsa (narsalar).

Oliy oʻquv yurtiga kirish talablari. Standart talablariga javob bermoq.

Biroq jangning eng masʼuliyatli paytida ustav talabini bajarish imkoni boʻlmadi. — I. Rahim, Chin muhabbat

Mantiq talabi shu erur, shohim. — S. Siyoyev, Yorugʻlik

3. Ehtiyoj, istak.

Uning talabi katta. Madaniy mollarga talab kuchaymoqda.

Hozircha u bu hujjat bilan mamlakat talabini qondirishga — maorif frontiga boradi — P. Tursun, Oʻqituvchi

4. iqt. Xaridor, isteʼmolchining bozor-da muayyan tovarlarni, neʼmatlarni sotib olish istagi.

Muayyan tovarga yoki tovarlar toʻplamiga barcha xaridorlar bildirgan talab yigʻindisi bozor talabi deyiladi. — OʻzME

5. s. t. Talabgor, xohlovchi.

Talab bormi?U bilan kurashishga talab chiqmadi.

Kulich kelib yalab-yalab, Ikki yov urushga talab. — Shirin bilan Shakar

6. sft. Otlarga birikib, oʻsha otdan anglashilgan narsani istaydigan, unga muhtoj, talabgor maʼnosini bildiradi (Bunday birikmalarning aksariyati qoʻshma soʻzga aylangan).

Suv talab ekinlar. Izoh talab ibora. Chopiq talab gʻoʻzalar.

Oʻktamning qovjiroq lablari choytalab edi. — Oybek, Oltin vodiydan shabadalar

Chunonchi, Alpomish, Manas —umr boʻyi tirnoq koʻrmay, farzand talab boʻlib yurgan chol va kampirning oʻgʻillari. — Gʻ. Salomov, Tarjima nazariyasiga kirish

ot Oliy yoki oʻrta maxsus oʻquv yurti oʻquvchisi.

Madrasa talabalari “aʼlo”, avsat va adno nomi bilan uch guruhga boʻlingan edi. — M. Muhammadjonov, Turmush urinishlari

Yigitalining hamxonasi — hozir institut talabasi Gʻolibjon uyga borib kelaman, deyotganday boʻluvdi. — D. Nuriy, Osmon ustuni

Bilim yurti talabalarining hayoti har tomonlama sermazmun oʻtmoqda. — Gazetadan

ot 1. Talab qiluvchi; istovchi, xohlovchi.

Bakovul davraga chorladi: — Nasim polvonga talabgor boʻlsa — chiqsin! — T. Murod, Qoʻshiq

Talabgorlar koʻp, ammo sizga oʻxshagan katta olimlar ishtirok etishini tayinlashgan edi. — Mirmuhsin, Umid

Kelib har shahr-u qishloqdan talabgor, Olurlar qancha boʻlsa ilm darkor. — Habibiy

2. esk. ayn. Daʼvogar 2.

ot Talaba boʻlish, studentlik.

sft. 1. Bajarish, amalga oshirishni qatʼiy turib talab qiluvchi, bu yoʻl-da ogʻishmaydigan.

U dekanning ish yuzasidan har qanday yaqinlikni yigʻishtirib qoʻyishini, talabchan, qattiqqoʻlligini, hech kimni ayab oʻtirmasligini yaxshi bilardi. Oʻ. — Hoshimov, Qalbingga quloq sol

Oʻrtoq Rahimjonov oʻz kasbiga muhabbat bilan qaraydigan, masʼuliyatni his qiladigan, talabchan agronomdir. — Gazetadan

2. Yuksak talablar qoʻyuvchi, yuqori darajani koʻzlab faoliyat koʻrsatishni talab qiluvchi.

Rasmning tagiga: Oʻjar shogirddan talabchan ustozga deb yozilgan. — Guldasta

Talabchan, mehnatkash shoir Hamid Olimjon qisqa umri ichida juda katta madaniy meros qoldirdi. — N. Safarov, Olovli izlar

3. Talab jihatdan va baholash saviyasi yuqori.

Talabchan kitobxonlar.

Bir yilning toʻqqiz kuni filmi talabchan tomoshabinlarimizning yuksak didiga mosdir. — Gazetadan

Ha, yildan yilga ish salmogʻi ortib boryapti, odamlar esa talabchan boʻlib ketishyapti. — Mushtum

4. koʻchma Koʻp talab qiladigan.

Bodring issiqsevar, yorugʻsevar va namga talabchan oʻsimlik. — Fan va turmush

ot Biror narsani talab qilib yozilgan xat, hujjat.

Talabnoma yozmoq. Talabnoma bilan mol olmoq.

Uchastkalardan kelib turgan talablar, dokladnomalar yangi-yangi chizmalar soʻralgan talabnomalarning sanogʻi boʻlmaydi baʼzan. — J. Abdullaxonov, Toʻfon

Qoʻliga qoʻshimcha zarur materiallar yozilgan talab-nomani tutqazdim. — H. Nazir, Koʻkterak shabadasi