Qidiruv

ot Tashqi koʻrinish, qiyofa.

Sama, oq toʻnlar koʻrub, soxtimni inkor aylamang, Boʻlmasam hamki asl devona, kal devonaman. — Muqimiy

Hamma vaqt yaxshi koʻrinadigan qorovul shu tobda uning [Elmurodning] nazarida juda soxti sovuq odamga oʻxshab ketdi. — P. Tursun, Oʻqituvchi

sft. 1. Qalbakilik maqsadida asliga oʻxshatib ishlangan, yasalgan; yasama, qalbaki.

Soxta pul. Soxta imzo.

Men bilan Otabekni qamatib, dor ostiga yuboruvchi, Otabek tilidan soxta taloq xati yozib, bir-birimizdan judo etuvchi battol Homid ekan. — A. Qodiriy, Oʻtgan kunlar

Demak, Siddiq Sharipov — otangizning soxta ismi-sharifi. — Sharq yulduzi

U bu ishga puxta oʻylab kirishgan. Uning soxta hujjatlari shundan dalolat berib turibdi. — Yoshlik

2. Yetarli asosga ega boʻlmagan, asossiz, puch.

Soxta daʼvo. Soxta nazariya.

[Fotima:] Boʻlmagan soxta dalillar bilan gapiruvchi ifloslarning soʻziga kirib, bu xilda qilish yaxshi emas. — Hamza, Tuhmatchilar jazosi

3. Yolgʻondakam, tagi puch, yuzaki.

Soxta obroʻ.

4. Samimiyatsizlik bilan shunchaki qilingan, nosamimiy, yuzaki, yasama.

Soxta kulgi. Soxta muloyimlik.

— E, sizmidingiz, Shoqosim aka, tanimay qolganim uchun kechirasiz, — dedi [Hafiza] jindek soxta jilmayib. — Mirmuhsin, Umid

Appon choluning soxta, zoʻraki takallufidan gʻazablandi. — Yoshlik

Mehmonlar orasida Marhabo, talantlar! televizion konkursining ikki qatnashchisi ham boʻlib, ular soxta kamtarlikdanmi yoki tortinchoqlikdanmi, bir chekkada qimtinibgina oʻtirishardi. — N. Aminov, Qahqaha

ot ayn. Soxtakor.

ot 1. Qalbakilik, yuzakilik, yasama ekanlik.

Hujjatning soxtaligi.

faqat aroq ichmagan Otamurodgina bu yaqinlikning soxtaligi-yu bu mehribonchiliklarning shunchaki, yoʻliga ekanini sezib, ich-ichidan gʻijinib oʻtirar, nimagadir uning koʻngli gʻash edi. — M. Mansurov, Yombi

2. Soxta ish, xatti-harakat; qalloblik.

Goho axloq tabiatiga begona qiliqlar ham uchrab qoladi. Bularni soxtalik yo riyokorlik deb atash mumkin. — M. Ismoiliy, Odamiylik qissasi

oʻzbekchalaqabruschaвымышленное имя, прозвище, кличкаinglizchaalias