Қидирув

сфт. 1. Шираси ўткир, ширали.

Ширин қовун. Ширин ичимлик.

Ширин меваларга ўрганган оғизларига бу ернинг нордон неъматлари ёқмади. — Ойбек, Қуёш қораймас

2. Таъми ёқимли, мазали, лаззатли.

Ширин шўрва.

— Албатта, албатта, — деди Сулаймонов жиддий қиёфада, — масалан, балиқ — кўп яхши нарса, қовурилса, қандай ширин бўлади! — А. Қаҳҳор, Икки ёрти — бир бутун

Менинг икки онам бор, Иккиси ҳам меҳрибон: Бири менга сут берди, Бири эса ширин нон. — Уйғун

сиз пиширган таом шу даражада ширин, лаззатли бўладики — Мирмуҳсин, Меъмор

3. кўчма Киши ҳузур қиладиган, ором оладиган, лаззатланадиган, хуш ёқадиган; ёқимли, ёқимтой.

Ширин хаёллар. Ширин туш кўрмоқ. Ширин муомала. Ширин сўз шакардан ширин. — Мақол

Муҳаррам ширин табассум билан кулди-да, бежирим лабининг икки бурчагини нозик тўр тутилган даст-рўмолчаси билан артиб қўйди. — Шуҳрат, Шинелли йиллар

Бир оғиз ширин сўз — нондек арзанда. — Ғ, Ғулом

У шовқин-сурон ичида шундай ширин ухлардики, бундай уйқу ҳалол ишлаб чарчаган вақтдагина бўлиши мумкин. — Ш. Рашидов, Бўрондан кучли

Вой, мунча ширин бўлмасанг! Жуда ақлли боласан-да! — С. Сиёев, Ёруғлик

— Дўмбилламай қолсин шу ширинлар-ей! — дегувчи эди, ҳарбийларни кўрганда бир ўртоғим. — Ойдин, Садағанг бўлай, командир

4. Аҳил, тотув.

Ширин оила.

Дунёда бицин уруш, Ер юзи кўрмасин доғ, Гулласин ширин турмуш, Тинчлик бўлсин ҳамма ёқ. — Қ. Муҳаммадий

5. Ширин (хотин-қизлар исми).

1. Havayı veya sıvıları emmeye yarayan alet.ШПРИС

2. Vücuda ilaç vermek için kullanılan, ucu iğneli küçük pompa, enjektör.

от тиб. Болаларда организмнинг заифлашуви туфайли баданга майда қизил яра-чақа тошиши билан ифодаланадиган касаллик.

Ширинча тошган бола. Ширинча яраси.

от 1. Ширин таъмга эгалик, ширалилик, ширин эканлик, тотлилик, ёқимлилик. Тарвузнинг ширинлиги. Суҳбатнинг ширинлиги. Боланинг ширинлиги.

Ширинлиги тил ёрар, Ҳиди ўткир, бўйи паст. Пишганини кўрдим-у, Ейман, дея қилдим қасд. — Уйғун

2. Қанд-қурс каби ширин нарсаларнинг умумий номи, ширавор.

У ёшлигида ҳам ширинликка уч эди. — Ш. Рашидов, Бўрондан кучли

— Тўйдан шу болага атаб бир кафт ширинлик ҳам келтирмабсан, — деди — Ўроз. Ойбек, Танланган асарлар

Гап унчалик қовушмаётгани учун бўлса керак, жувон чойни тўхтатди. Эрининг ёрдамида хонтахта устини ширинликлардан бўшатди. — С. Анорбоев, Оқсой

3. кўчма Шод-у хуррамлик, вақтичоғлик, хурсандлик; яхшилик.

Ширинлик билан ҳаёт кечирмоқ. Туй ширинлик билан ўтди. [Ҳайитжон:] Ундан кура, ширинлик билан, ўйнаб-кулиб жавоб бер-қўй. Ҳамза, — Паранжи сирлари

сфт. Гапи, сўзи кишига ёқадиган, ёқимли гапирадиган; ширинсухан.

Ширинсўз йигит.

У одамларнинг ҳаммаси ҳам мулойим, сермулозамат, сертаъзим, ширинсўз бўлар эди. — А. Қаҳҳор, Сароб