от 1. Ким сўзининг иккинчи шахсга қаратилган сўроқ шакли.
Подадан адашган бузоққа ўхшаб дуч келган эшикка бошингни тиқаверасанми? Кимсан ўзинг? — Ойбек, Танланган асарлар
2. Назарда тутилган шахснинг даражаси (амали, унвони, бойлиги ва шу кабилар) юқорилигини таъкидлаш учун ишлатилади.
[Тантибойваччанинг дадаси] Зиқнанинг пир ургани эди Кимсан — терифуруш фалончи бой! Лекин кўрган одам ямоқчими, бўзчими деб ўйлар эди. — Ойбек, Танланган асарлар
— Хотинлари ҳам, кимсан — оқсоқолнинг хотинимиз, деб кеккайишиб, ўзларига хон, ўзларига бек бўлиб, роса зуғумини ўтказишди, — деди Юсвали тоға. — П. Турсун, Ўқитувчи
3. Кимсан (эркаклар ва хотин-қизлар исми).