Қидирув

от 1. дин. Бегуноҳ, тақводор кишилар у дунёда яшайдиган роҳат-фароғатли жой, беҳишт.

Қошинг билан кўзинг шўх, илоҳи ўлмагайсан, Жаннатдаги ҳурларнинг бирови бўлмагайсан. — Оқ олма, қизил олма.

2. кўчма Ҳамма нарса муҳайё бўлган, обод, роҳатбахш, хушманзара жой.

Бўлсин деймиз жаҳон бўйлаб Инсонлар ери жаннат. — М. Шайхзода.

Сафо махсумнинг нигоҳи шу жаннат боғлар, далаларда кезса ҳам, ўй-хаёли бошқа ёқда. — Ҳ. Ғулом, Замин юлдузлари

Ёз пайтлари уларнинг [Азизанинг] боғи жаннат бўлиб кетади. — Ў. Ҳошимов, Қалбингга қулоқ сол.

3. Жаннат (хотин-қизлар исми).

сфт. Жаннатга тушадиган бегуноҳ, фариштадай пок одам.

— Аммо ўзлари ҳам жаннати хотин, — деди Сафарқул. — Ҳ. Ғулом, Тошкентликлар

paradiesisch

сфт. Обод, гўзал.

Жаннатмакон, оромбахш боғлар Оғушига чорлайди мени. — Б. Бойқобилов, Мени кутинг, юлдузлар

Жаннатмакон, қуёшли юртимнинг фасллари бир-биридан гўзал. — Н. Сафаров, Оловли излар

сфт. айн. Жаннатмонанд.

Қаҳрамон белорус халқи жаннацимон диёр: муҳташам бинолар қад кўтарган гўзал, обод шаҳар ва бадавлат хўжаликлар бунёд этдилар. — Н. Сафаров, Оловли излар

сфт. Жаннатга ўхшаш, жаннатдай.

Ёʻл азоби орқада қолиб кетди, эмди жаннатмонанд пойтахтимиз Ғазнада роҳат-фароғат билан умргузаронлик қилинглар. — М. Осим, Карвон ёʻлларида