от 1. Кимса ёки нарсага бўлган қадрлаш, улуғлаш туйғуси; шундай туйғули муносабат.
Ота-онага ҳурмат. Кексаларга ҳурмат. Устозларга ҳурмат. Ўз касбига ҳурмат.
Бу оилада ўзаро ҳурмат, ўзаро ёрдам, обрў-эътибор мужассамлашган. — Газетадан
Ҳурмат инсонга меҳнат орқали, камтарлик, ҳалоллик орқали келади. — Ёшлик
Меҳнатга ҳурмат ахлоқнинг энг юксак дастурларидан биридир — Ойбек, Нур қидириб
2. Қозонилган, орттирилган ҳурмат; обрў, эътибор.
Элда ҳурмати зўр.
Мен ўз меҳнатим билан жамоада танилдим, ҳурмат қозондим. — Газетадан
Эшитишимча, Ахсида ҳазрати олийни, ҳурматларига яраша маърака ўтказиб, қабрга қўйишганлар — П. Қодиров, Юлдузли тунлар
Оҳ, она тупроғим, ўсган жойларим, Кўнглимда сақланар ҳурматинг, қадринг. — Миртемир
3. Ҳурмат (эркаклар ва хотин-қизлар исми).
- Ҳурмат қилмоқ 1. Ҳурмат билан муносабатда бўлмоқ. Камтарлик — инсон ўзлигини билишни, ўзгаларни ҳурмат қилишни, одамийликнинг: самимийлик, меҳрибонлик ростгўйлик каби нодир фазилатларини ўзи-да мужассам этади. — ГазетаданМеҳнатни ҳурмат қилиш самарали ва сифатли ишлашга интилиш ҳар бир йигит ва қизнинг бурчи ва вазифасидир. — ГазетаданБошқаси бўлса, қамчин билан солар эдим, лекин соқолинг оқини ҳурмат қилдим — Ойбек, Танланган асарлар
- Ҳурматини қилмоқ Ҳурмат юзасидан иш тутмоқ. Отангнинг ҳурматини қилиб, сени зовутимдан ҳайдамадим — К. Яшин, Ҳамза
- Ҳурмат тахтаси Ишлаб чиқариш илғорларининг номлари ва суратлари намойиш қилинадиган махсус тахта. Гаражимиздаги Ҳурмат тахтасига менинг ҳам суратимни қўйишмоқчи экан. — С. Сиёев, Ёруғлик