Hayot Foundation loyihasi
Loyiha haqida
Oʻz
Oʻz

Qidiruv

«CHOPON» boʻyicha 62 ta natija: Lugʻatlar

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

6 ta
chopon
Izohli lugʻat · yana 6 ta lugʻatda

ot 1. Kiyim ustidan kiyiladigan, ichiga paxta solib qavilgan uzun milliy kiyim; toʻn.

Beqasam chopon. Paxtali chopon. Zarbof chopon. Chopon kiygizmoq.

Baʼdazon osh tortilib, andin soʻng faqirga zarrin chopon va yana jigʻalik salla keldi. — A. Qodiriy, Kichik asarlar

Ziyrak chol uyqudan uygʻonib sahar, Yangi choponini tashlar yelkaga. — Mirtemir

Yusufbek hoji egnida kimxob chopon bilan oʻrdadan chiqdi. A. — Qodiriy, Oʻtgan kunlar

2. k. Toʻn.

  • Bir choponi (yoki toʻni) ikki boʻlmadi Qashshoqlikda kun kechiradi; kosasi oqarmadi; yolchimadi. Uzingiz bilasiz, toʻrt yildan beri bu yerda ishlayman, tinim yoʻq, ishdan boshim chiqmaydi. Lekin hali ham bir choponim ikki boʻlmadi. — Oybek, Tanlangan asarlar
  • Choponini teskari kiymoq
  • Eski choponlar Eski choponlardan bitta-yarimtasi soddalik bilan mabodo kelib qolsa, toʻyboshilarning koʻzlari olayadi. — Oybek, Tanlangan asarlar
Toʻliq maqola →
choʻponlik
Izohli lugʻat · yana 1 ta lugʻatda

ot Yaylovda mayda mol boqish bilan shugʻullanish, choʻpon kasbi.

Shoirlik yodimdan chiqqan mahali Choʻponlik yillarim tushar esimga. — A. Oripov

Toʻliq maqola →
choponfurush
Izohli lugʻat · yana 1 ta lugʻatda

ot Chopon, toʻn bilan savdo qiluvchi, chopon sotuvchi.

Roʻzimatning otasi mahallasidagi Soʻfichopon degan choponfurushga korollik ham qalardi. — Tuygʻun, Shoir haqida haqiqatlar

Toʻliq maqola →
salla-chopon
Izohli lugʻat · yana 1 ta lugʻatda

ot Namozga va umuman kishilikka kiyiladigan ustki kiyim.

Dadasi yoʻlakdan koʻrinishi bilan Raʼno Masʼudni koʻtarib turdi va qoziqdagi salla-choponni olib, ayvon muyushiga keldi. — A. Qodiriy, Mehrobdan chayon

Sodiqjon boyvachcha oʻrnidan turdi-da, Shahzodaga salla-choponini ishora qildi. — K. Yashin, Hamza

Toʻliq maqola →
kampirchopon

ot Tanasi va urugʻlari zaharli koʻp yillik oʻt.

Samarqand va Buxoro atroflarida koʻp oʻsadigan kampirchopon oʻsimligining qay darajada zaharli ekanini kim bilmaydi deysiz. U. — Gʻulomov, Yorqin yoʻllar

Qishloq joylarda donli ekinlar bilan birga oʻsadigan ayrim oʻsimliklarda (kampirchopon, koʻkmaraz, eshakmiya va boshqalar) zaharli alkaloidlar mavjud. — S. Akramov, Giyoh kimyosi

Toʻliq maqola →

Taʼriflar ichida

56 ta
kebanak

kebanak Ichi kigizdan boʻlgan chakmon, chopon;namat chakmon (koʻpincha choʻponlar kiygan). Doʻkon ayvonida choʻnqayib oʻtirgan kebanak choponli kishini Avaz olisdan koʻrd

Hammasini koʻrish · 56 →