от 1. анат. Гавда суякларининг тоғайлар, пайлар билан бириккан жойлари.
Бармоқ бўғинлари.
Қўл суяклари бир-бирига бириккан ҳаракатчан бирикмалар ҳосил қилади, бу бирикмалар бўғинлар дейилади. — Зоология
Бўғинлари ғадир-будур бўлиб кетган бармоқлари билан оғзининг икки четини артди. — С. Нуров, Майсаларни аёз урмайди
2. Бир турдаги қисмлардан ташкил топган суякнинг ҳар бир қисми; сегмент.
Умуртқа бўғинлари. Бўғинларим оғрияпти.
Пайғамов бармоқларини бир-биридан ўтказиб букканда, бўғинлари қирсиллади. — С. Нуров, Майсаларни аёз урмайди
Мафосилга гирифтор бўлган кимсадек, етмиш икки бўғини зирқираб оғриди. — С. Сиёев, Аваз
3. Танаси бир турдаги қисмлардан, сегментлардан тузилган жониворлар ёки ўсимликларнинг ҳар бир қисми.
Чувалчанг бўғинлари. Қамиш бўғинлари.
4. кўчма Узвий равишда боғланган воқеа-ҳодиса, жараён ёки ташкилот ва шу кабиларнинг ҳар бир ҳалқаси, босқичи, поғонаси.
Тўғри, қоғозбозлик камайди. Лекин ходимлар қуйи бўғинларни безовта қилишнинг бошқа усулларидан фойдаланмоқдалар. Газетадан.Ошкоралик, демократия ҳам интизомнинг бўғинига айланади. — Газетадан
5. кўчма Авлод, насл.
Ёш бўғин.
Шу илдиздан ўсиб чиқар келажак бўғин. — Ғ. Ғулом, Шеърлар
[Ҳожар:] Мен қандай қилай! Етти бўғинимизда қулоғим бундай сатанг номини эшитгани ёʻқ эди. — Ҳамза, Паранжи сирлари
Энг аъло сифатли — биринчи ёки иккинчи бўғин дурагайлар ўз-ўзидан кўпайтирилади. — Ўзбекистон паррандачилиги
6. тлш. Сўзнинг бир нафас билан айтиладиган, бир ёки бир неча товушдан иборат бўлаги.
“Тош“ сўзи бир бўғиндан, болта сўзи эса икки бўғиндан иборат.
- Бўғини бўшашмоқ (ёки қалтирамоқ) 1. Оёқ-қўли бўшашиб кетмоқ (қўрқув, ҳаяжон ва шу кабилардан). Жуман қабулхонага чиқиб, қўлидаги қоғозга қараган эди, бўғинлари бўшашиб, тиззаси қалтираб кетди. — А. Мухтор, ТуғилишБирданига бўғини қалтираб, қўрқиб қолган-да. — Баҳром ва ГуландомТопарманми, ёрим, сени? Бўғинларим тол-тол бўшаб. — Ширин билан ШакарСени кўриб, болам, бўғиним бўшади, Сенинг кўнглинг дарёдайин тошади. — Ойсулув