ЗОНА НЕФТЕГАЗОНАКОПЛЕНИЯ

geologik tuzilishi jihatidan oʻxshash, bir-biri bilan jinsan bogʻliq va yondosh, bir guruhga mansub tutqichlardagi konlarning yigʻindisi (A.A. Bakirov, 1975 y.). Yondosh joylashgan neft-gaz toʻplanish zonalarining chegarasi botiqlik oʻqi boʻylab oʻtadi. N.-g.t.z.sida neft va gazlarning hosil boʻlishi tutqichlarning hosil boʻlish sharoiti bilan chambarchas bogʻliq. Neft-gaz yigʻilishining muhim belgisi sifatida mahsuldor qalin-qatlamlar yoshining umumiyligi struktura elementlari genezisi va konlarning geologik tuzilishining oʻxshashligi qabul qilingan. Struktura elementlarining genezisi (hosil boʻlishi) N.-g.t.z.larining tektonik jarayonlar bilan bogʻliqligini ifodalaydi va ular tarqalgan joylarni izlash imkoniyatlarini belgilaydi. Struktura elementlarining tuzilishi esa N.-g.t.z.si oʻrnini, uyumlarning tarqalish maydonini belgilash hamda bunday zonalarni izlash va razvedka qilish maqsadida bajariladigan tadqiqotlar negizi hisoblanadi. Shu sababli N.-g.t.z.larini tasniflashda ushbu ikki koʻrsatkichlar asos qilib olingan (3.2-jadval)., Neft-gaz toʻplanuvchi zona