zir

зир

1 ta lugʻatda: Izohli yana 2 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

zir I

rvsh. Ish-harakatning tez, chaq-qon bajarilishini, qayta-qayta amalga oshishini bildiradigan soʻz.

Xizmatkor xotin zir yugurib, choy tayyorlardi. — Mirmuhsin, Umid

Mehmonlarga hali u, hali buni tashib, tashqari hovli bilan ichkari hovli oʻrtasida zir yugurdim. — P. Tursun, Oʻqituvchi

Nahotki ikki yildan beri bir bechorani zir qatnatib ovora qilsalar, Toshkent qishlogʻi bilan Margʻilonning orasi ozgina yoʻlmi axir? — A. Qodiriy, Oʻtgan kunlar

Zir titramoq 1. Sovuqdan, qoʻrquv yoki hayajondan qattiq qaltiramoq. Zir titra-dim, bir qoʻrqdimki, nafaslarim boʻgʻilib ketdi. — Oybek, Nur qidiribZumrad zir titrab, hamma uyni aylanib chiqdi. — S. Siyoyev, Otliq ayolU mendan zir titraydi.Takyaxona eshigi ichkaridan tars-tars urildi. Eshoni sudur zir titradi. — Sh. Xolmirzayev, Qil koʻprik
Yuragi zir etmoq Yuragi shuv etmoq, yuragi gup-gup urib ketmoq. Tanti-boyvachchaning yuragi zir etib ketdi. — Oybek, Tanlangan asarlar

zir II

taql. s. Larzadan tebranuvchi narsalarning harakati va tovushi haqida.

Portlash zarbidan oynalar zir etib ketdi.

Ruhli, kuchli koʻkrakdan chiqqan bu ashula tevarakni zir ettirib yuborgudek, Otabekka ham boshqacha bir taʼsir beradir. — A. Qodiriy, Oʻtgan kunlar

Maqoladagi xato haqida xabar berish