зимистон

от 1. Қиш.

Зимистон фаслида кирсанг уйингга, Ҳузури дил, чу боғ-у бўстон печ. — Муқимий

Ҳар майса, қиёқ қиш уйқусидан уйғониб, зимистон совуқларидан қутулиб, яйраб-яшнаган. — Ш. Рашидов, Асарлар

2. Ёруғлик, офтоб нури тушмаган жой; қоронғилик.

Зимистон. Эшик тирқишидан ипдек нур тушиб турибди. — С. Сиёев, Аваз

Осмонда қора булутлар пайдо бўлиб, ўрмон ичини зимистонга айлантирди. — А. Раҳмат, Эллик бир баҳодир

3. сфт. кўчма Қоп-қоронғи, тим қоронғи, зим-зиё.

Долон кундуз кунлари ҳам қоронғи — зимистон бўлади. — Ж. Шарипов, Хоразм

Кўзимни очсам — уй зимистон, болишни қучоқлаб ётибман. — Т. Мурод, От кишнаган оқшом

Уйнинг ичи зимистон эди. — Э. Раимов, Ажаб қишлоқ

4. кўчма Рўшноликдан маҳрум, зиёдан маҳрум ҳаёт.

Не зотлар ўтдилар ҳасратга тўлиб, Кунлари зимистон, туни сим-сиёҳ. — А. Орипов, Йиллар армони

Ёруғ дунё шу экан, деб зимистонга кўникиб қолганмиз \ деди Онахон]. — А. Мухтор, Опа-сингиллар

Зимистонинг битди энди, Турғуной, Бахтинг кулди бамисоли тўлган ой. — И. Султон, Номаълум киши

5. кўчма Номаълум, қоронғи нарса; номаълумлик.

— У одамнинг ўтмиши зимистон. Ана шу ўтмишини яшириб юради, — деди Сартаков. — И. Қаландаров, Шохидамас, баргида

н 1. darkness

2. winter

1. qıs

2. qarańǵılıq, tas túneklik

3. qap-qarańǵı, tas qarańǵı

4. авıс. jarıqlıq kórmew, baxıtlı turmıs keshirmew

5. авıс. belgisizlik

↓ Finsternis f, Dunkeln n