зарба
zarbaзарба
от 1. Кучли, шиддатли, залварли туртки, урилиш; қаттиқ зарб.
Боксчининг зарбаси. Ҳужумчининг кучли зарбасидан сўнг ҳисоб очилди.
Ер бора-бора кучга бўйсунади. Ёʻлчининг зарбаси остида тўнкалар яланғочлана, ўзининг қўпол, баҳайбат гавдасини кўрсата бошлади. — Ойбек, Танланган асарлар
2. Яксон этувчи, ёʻқ қилувчи, шикастловчи кескин ҳаракат, шиддатли ҳужум.
Шиддатли зарбадан душман талвасага тушиб қолди. — Назармат, Жўрлар баланд сайрайди
Мирзо Улуғбек давом этди: — Иншоолло, пайдар-пай зарба билан душманни пароканда қилиб, тор-мор этамиз. — Мирмуҳсин, Меъмор
3. кўчма Оғир кулфат, қаттиқ руҳий шикаст, зиён-заҳмат; турмуш қийинчилиги.
Ғуломжон сўнгги зарбанинг [отаси вафотининг} оғир жароҳатидан узоқ вақтгача тузала олмай юрди. — М. Исмоилий, Фарғона тонг отгунча
- Зарба бермоқ Шиддатли ҳужум билан яксон қилмоқ, ёʻқ қилмоқ; шикастламоқ; ёмонлик қилмоқ. Шимолий Кавказда — Молгабек раёнида Насруллаев қисми душманга қақшатқич зарба бериб, шуҳрат қозонди. — Т. Рустамов, Мангу жасоратШилин бошлиқ жангчилар сув билан олишар, қирғоққа чиқиб олиб, душманга зарба беришга ошиқар эдилар. — Н. Сафаров, Оловли излар
- Зарбага учрамоқ Қаршиликка дуч келмоқ; танқидга учрамоқ, қаттиқ танқид қилинмоқ. Унинг [Жамоловнинг] сўнгги китоби зарбага учради. — Ж. Абдуллахонов, Орият