Замысел автора

avtor niyati. Ijodkorning oʻz asari orqali biror narsa, voqea hamda hodisani yo inkor etishi yoki tasdiqlashi. Avtor niyati har bir asarda mavjud boʻlib, uni toʻgʻri anglab olish badiiy asarni tahlil etishda muhim rol oʻynaydi. Shuning uchun ham har bir asar gʻoyaviy-badiiy jihatdan toʻliq shakllangandagina avtor niyati mukammal aks etgan boʻladi. Chunki unda sanʼatkorning dunyoqarashi, simpatiyasi va antipatiyasi oʻzining ifodasini topadi. Masalan, Abdulla Qahhorning «Bemor» hikoyasidagi avtor niyati Sotiboldi xotinining bemor boʻlishi va chorasizligidan vafot etishi orqali Oktyabr sotsialistik revolyutsiyasidan ilgari oʻzbek mehnatkash ommasining fojialarga toʻla hayotini aks ettirishdir. Yoki Oybekning «Quyosh qoraymas» romanida sodda qishloq yigiti Bektemirning Vatan uchun janglarda toblanib, haqiqiy qahramonga aylanishini tasvirlash orqali Ulugʻ Vatan urushi yillarida sovet xalqining bosib oʻtgan yoʻli koʻrsatilgan. Asarda avtor niyati kim adolat uchun kurashsa, Vatanini sevsa, u oʻlimdan ham qoʻrqmaydi, dushmanni ham yengadi degan gʻoyadan iboratdir. Avtor niyati baʼzan ijod jarayonida oʻsi-