zahar

заҳар

9 ta lugʻatda uchraydi JSON Shevalarda Barcha qidiruv natijalari

Izohli lugʻat

zahar

sft. 1. Tirik mavjudotni ogʻulab yemiruvchi yoki oʻldiruvchi modda, ogʻu.

Ilonning zahari.

Bu ayol — Razzoq soʻfi degan odamning qizi, oʻz eriga zahar bergan. — Choʻlpon, Kecha va kunduz

[Salimboyvachcha] Ichki choʻntagidan qogʻozga oʻralgan zaharni olib, titroq qoʻllari bilan oshga sepdi — Oybek, Tanlangan asarlar

Qolaversa, ilon zahari farmatsevtikada qimmatbaho xomashyo ekani ham yaxshi maʼlum. — Fan va turmush

2. koʻchma Ogʻu singari achchiq, kishi hayotini ogʻulaydigan, azobga aylantiradigan narsa, holat.

[Elmurod} Sayfullaga Hovlingizda yegan-ichganim zahar edi, endi maktab-da rangim chiqib qoldi, deb tana qilarmish. — P. Tursun, Oʻqituvchi

3. koʻchma Jahl, gʻazab.

Hovlida oshqovoq poʻchoq sudrab oʻynab yurgan bolani koʻrib, [Sharofatning] zahri bir oz tarqaldi. — A. Qahhor, Qoʻshchinor chiroqlari

4. Qattiq zarb, achchiq ogʻriq.

Tikan zahri uchida, dushman zahri ichida. — Maqol

Ot chidamas achchiq qamchi zahriga. — Goʻroʻgʻli

5. sft. Koʻchma Juda ham achchiq.

Zahar ovqat. Zahar tutun.

6. sft. Koʻchma Kishiga nayzadek botadigan, dilga ozor beradigan.

Zahar piching. Zahar til.

Rais ustaga gʻazab bilan tikildi-yu, zahar toʻla kinoya qildi. — Sh. Rashidov, Boʻrondan kuchli

7. sft. Koʻchma Jahldor, serjahl, qahr-gʻazabli; tili achchiq va jizzaki.

— Bay-bay-bay, oʻzi jinqarcha boʻlsayam, shunaqa zahar qizki, xuddi Zulayho opangizga oʻxshaydi. — Oʻ. Hoshimov, Qalbingga quloq sol

Uning [Umidning] nazarida, Shukur Karimovich zaharroq odam koʻrindi. — Mirmuhsin, Umid

Baxtga qarshi, tergovchi yosh boʻlsa ham, sochlari toʻkilib, tepakal boʻlib qolgan, tirnoqlarigacha zahar bir odam ekan — O. Yoqubov, Izlayman

Zahar boʻlmoq Zaharga, ogʻuga aylanmoq, tatimaslik. Yana dardga koʻmildi Nisoxon boshi, Zahar boʻldi bir kosa sovigan oshi. — Gʻayratiy
Zahar yutmoq Achchiq-alam yutmoq, azob chekmoq, iztirob chekib qiynalmoq. Kamtar boʻl, taltayma, kekkaymagin tik, Doʻst uchun zahar yut, shirin jonni tik! — Yo. Mirzo, Oʻgʻil mehri
Zahar qilmoq Zaharga, ogʻuga aylantirmoq, tatitmaslik.
Zahri kelmoq Achchigʻi kelmoq, jahli chiqmoq. Bunyodning qahri keldi, Devning ham zahri keldi. — H. Olimjon
Zahar (yoki zaharini) sochmoq Gʻazabini toʻkib solmoq, jahl-gʻazab qilib alamdan chiqmoq. Qilgʻilikni Oʻktam qiladi-yu, zahrini menga sochasizmi? — Oybek, Oltin vodiydan shabadalarNega yongan yuragimga yana sen ham zahar sochasan! — A. Qodiriy, Oʻtgan kunlar
Zahrini yutmoq Achchigʻini ichiga yutmoq, gʻazabini bosmoq. Ogʻzing toʻla qon boʻlsa ham, raqibing oldida tupurma, deganlari esiga tushib, zahrini qult etib ichiga yutdi. — Shuhrat, Jannat qidirganlarBek zahrini yutdi. — H. Gʻulom, Mashʼal
Sovuqning zahri Sovuqning jonni achituvchi taʼsiri.
Zahri qotil 1. Oʻldiradigan zahar; Zahri qotil dori.

Oʻzbekcha-turkcha izohli lugʻat

ZAHAR

Tirik organizmni ogʻulab, yemiradigan yoki oʻldiradigan modda.ZEHİR

Favqulodda vaziyatlar lugʻati

Zahar

kelib chiqishi oʻsimlik, hayvon va mineral yoki kimyoviy sintez (sanoat zahari, pestitsidlar) mahsuloti boʻlgan, organizmga taʼsir koʻrsatganda oʻtkir yoki surunkali zaharlanishni keltirib chiqara oladigan, oʻlimga olib kelishi mumkin boʻlgan modda. Z. dan dori preparati sifatida ham foydalaniladi. Z. inson organizmiga asosan ovqat hazm qilish va nafas olish organlari orqali kiradi.

Sinonimlari: оғу

Ruscha-oʻzbekcha va oʻzbekcha-ruscha lugʻat

zahar

яд, отрава

zahar bermoq отравлять
asaldan shirin, zahardan achchiq загадка слаще мёда, горше отравы (Слово, речь)
zaharni zahar kesadi посл. яд уничтожается ядом; соотв. клин клином вышибают
doʻsting uchun zahar yut посл. ради друга яд испей
zahar odam злой человек (злюка)
birovga zahrini sochmoq гневно обрушиться (на кого-л.)
zahar yutmoq горевать, страдать, печалиться, терзаться