юрт

yurt

1 та луғатда: Изоҳли яна 8 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

юрт

от 1. Маълум халқ, аҳоли яшаб турган жой; ўлка, мамлакат, ватан.

Туғилиб ўсган юртим. Ўзга юртда шоҳ бўлгунча, ўз юртингда гадо бўл. — Мақол

Баҳор! Ўзига хос ёқимли виқор билан юрт узра одим ташлайди. — Ш. Рашидов, Қудратли тўлқин

2. Бирор мамлакат ёки ўлкада яшовчи халқ; эл; аҳоли.

Юрт пуфласа, шамол туради. — Мақол

Ана холос, қози поччанг юртга ош бераётган бўлсалар, туянинг думи ерга тегибди-ку. — М. Исмоилий, Фарғона тонг отгунча

Юрт сўрамоқ Юртни, мамлакатни бошқармоқ, ҳукмдорлик қилмоқ, ҳоким бўлмоқ. Агарда менинг юрт сўрамоққа ва шу восита билан бойлик орттирмоққа орзум бўлса, бошқалардан ҳам кўра ўз ўғлимга — сенга маълум бўлмасмиди? — А. Қодирий, Ўтган кунлар
Билим юрти Ўрта махсус ўқув, таълим-тарбия муассасаси. Педагогика билим юрти.Муборакхон билим юртида ўқиб юрган пайтларидаёқ тарбиячи бўлиб ишлай бошлаган эди. — Р. Файзий, Ҳазрати инсон
Ўқув юрти Умуман, ўқув муассасаси. Олий ўқув юрти.