yumaloq

sft. 1. Shar shakliga oʻxshash, shunga yaqin shaklli; dumaloq.

Yumaloq yongʻoq. Yumaloq qand. Yumaloq tarvuz.

Undan [eshikdan] yosh bolaning, sochlari tipratikan ignalariday yumaloq boshi koʻrindi. — S. Anorboyev, Oqsoy

2. Yumaloqlangan narsa; dumaloq narsa; shar. Qor yumalogʻi.

[Bolalar] Qordan kichkina yumaloq yasab, dumalatib-dumalatib, oʻz boʻylaridan baland, katta kurra yasaganlar. — Oybek, Tanlangan asarlar

3. Doira, toʻgarak shaklidagi.

Yumaloq stol. Yumaloq maydon.

Oysuluv shoshib borib, tokchadan yumaloq oynani oldi. — S. Anorboyev, Oqsoy

4. Juda semiz, baqaloq, girdigʻum (odam haqida).

Yoʻlchi oʻzidan bir necha qadam nari-da xoʻmrayib, hammaga razm solgan shop moʻy-lov, yumaloq sariq politsiya boshligʻini koʻrib qoldi. — Oybek, Tanlangan asarlar

Past boʻyli, yapaloq yuzli, gʻoʻladek yumaloq Bozorovning lapanglab yugurishi Normatning koʻziga uzoqdan goʻyo toʻngak dumalagandek boʻlib koʻrindi. — I. Rahim, Chin muhabbat

5. Oʻlchov bildiruvchi (numerativ) soʻz vazifasida; dona, pachka.

Bir yumaloq pechenye. Uch yumaloq choy.

Boʻlmasa, bir yumaloq qand bilan bir piyola choy olib chiqing. — A. Qahhor, Sarob

Hayot yerga qarab oʻtirgan edi, sekin yuzini koʻtardi, koʻzlaridan ikki yumaloq gavhar quladi. — M. Ismoiliy, Fargʻona tong otguncha

1. Shar shaklidagi, dumalamoq.YUVARLAK

2. Yumaloqlangan narsa.

3. Juda semiz, baqaloq (odam haqida).

круглый, шарообразный

bir yumaloq choy пачка чая

yum-yumaloq, oy emas, sap-sarigʻu – moy emas; dumi ham bor, toy emas загадка круглое-круглое – не луна, жёлтое-жёлтое – не масло, хвост имеет, а не стригунок (Репа)

1. jumalaq, dumalaq

2. shar, dóngelek

3. sheńber

4. júdá semiz, domalaq, tompaq, kómpek

5. dana, pachka (numerativ sóz wazıypasında)

rund, kreisförmig

yumaloq yostiq mit Mühe und Not, mit Ach und Krach, schlecht und recht