yulmoq

fl. 1. Siltov bilan tortib uzib yoki sugʻurib olmoq.

Sochini yulmoq. Tovuq patlarini yulmoq. Ortiqcha gʻoʻzalarni yulib tashlamoq.

Ota semiz, boʻyab qoʻyganday qizil oʻtni yulib oldi. — S. Anorboyev, Oqsoy

Oʻz yonida gʻumay yulayotgan Adolatning qoʻli qiyilib qonaganini koʻrgan Begimxon xaxolab kulib yubordi. — I. Rahim, Chin muhabbat

Uka — jigar, tosh otay desa, jigarchilik, otmay desa, xon turipti; nihoyat, toʻnidan uvada yulib otibdi. — A. Qahhor, Qoʻshchinor chiroqlari

2. Tirnab jarohatlamoq, timdalamoq.

Birovning betini yulmoq.

— U-u harakat qildim, tepdim, urdim, yuldim, tirnadim — boʻlmadi, — dedi Hoji xola. — M. Ismoiliy, Fargʻona tong otguncha

Sochin yoyib, betin yulib, yoʻlga kirdi chaqqon boʻlib. — Murodxon

3. koʻchma Biror shaxs yoki xalq mulkidan oʻmarmoq, yulqib olmoq.

Yulgʻich yulib toʻymaydi. — Maqol

[Boy.] Nontepkilik qilma! Shu soqolim bilan yolgʻon gapiramanmi? Yulsam, senday gadodan yulamanmi? — Hamza, Boy ila xizmatchi

Amaldorlar esa turli yoʻllar bilan kambagʻal xalqning bor-budini yulib olar edilar. — OʻTA

4. koʻchma Ajratib olmoq.

Afsuski, fakt va dalillar, koʻpincha, umumiy kontekstdan yulib olib tahlil qilinadi. — Gʻ. Salomov, Tarjima nazariyasiga kirish

Huri oʻz xayolidan oʻzi choʻchib, boshini yostiqdan yulib oldi. — N. Fozilov, Diydor

5. koʻchma Biror narsa hisobidan chegirib qolmoq; tejamoq.

Agar sizlar mana shu yoʻl bilan butun bir mavsumda oʻn mehnat kunini pilladan yulib, paxtaga bergani yordam qilsalaring ham harna. — A. Qahhor, Kampirlar sim qoqdi

1. Siltov bilan tortib uzib yoki sugʻurib olmoq.YOLMAK

2. Tirnab jarohatlamoq, timdalamoq.

1. выщипывать, выдёргивать, рвать, царапать

2. вырывать, выхватывать

qoʻlimdan yulib oldi он вырвал у меня из рук

yumalatsam joni yoʻq, yulib olsam qoni yoʻq загадка перекатывается, а не живое, вырвешь кусок – крови нет (Тесто)

1. julıw, qoparıw, suwırıp alıw, úzip alıw

2. tırnaw, tiliw

reißen vt, abreißen vt, ausreißen vt

син. road, way, path, pass, gangway, passage, course, line