yozilmoq

fl. 1. 1 Yozmoq I 1, 2, 3 feʼlining oʻzlik va majhul nisbatlari.

Dasturxon yozilib, tushlik choy keldi. — A. Qodiriy, Oʻtgan kunlar

Oyogʻing yoʻlga tushsak, yozilib ketadi. — A. Qahhor, Xotinlar

Gulsapsar, jambillaring yozilgan qat-qat. — Gʻayratiy

Kun botish tomondan osmonga pushti qizil shuʼla yozilgan edi. — P. Tursun, Oʻqituvchi

2. Xursand boʻlmoq, kayfiyati koʻtarilmoq; charchoqni tarqatmoq, tashvishni yoʻqotmoq, yayramoq.

Onaning gina-kudurati saraton yomgʻiridek tez oʻtib boʻlgan edi. U yozilib, qizi bilan ovqatlandi. — Shuhrat, Shinelli yillar

Ashur Mirzo qizining otini eshitish bilan yozilib ketdi. — M. Ismoiliy, Fargʻona tong otguncha

Endi bir shaharga tushib, uch-toʻrt kun yozilib kelsam juda-juda siqilib ketdim. — A. Qahhor, Qoʻshchinor chiroqlari

3. Bemalol oʻtirmoq, oʻzini erkin tutmoq.

[Mehri:] Dissertatsiya ham bor boʻlsin. Kelganiga yarim oydan oshdi-yu, yozilibgina bir dam olmabdi! — O. Yoqubov, Pyesalar

Bemalolroq yozilib oʻtiring! Zap koʻchib keldingiz-da! Sizni zeriktirmaymiz. — H. Gʻulom, Mashʼal

4. Tahorat olmoq, boʻshalmoq.

Otamurod yozilib kelib, bir haftadan beri birinchi marta paqirdagi quduq suvidan soqol bosib ketgan yuzini pishib-pishib yuvib, bir maza qildi. — M. Mansurov, Yombi

fl. 1. Yozmoq II feʼlining majhul va oʻzlik nisbatlari.

Xat yozildi. Hikoya yozildi.

Anvar qoʻlidagi yozilgan qogʻozni qoʻyib, ikkinchi oq qogʻozni oldi. — A. Qodiriy, Mehrobdan chayon

Shogird adreslar yoziladigan daftarga imo qildi. — T. Ashurov, Oq ot

2. Atalmoq, bagʻishlanmoq.

— Sheʼr bizga yozilmay, kimga yozilgan boʻlsin axir, — dedi — Joʻraxon. Nazarmat, Joʻrlar baland sayraydi

— Mana shu ashula siz uchun yozilgan — Alimardonning ovozi negadir titrab ketdi. — Oʻ. Hoshimov, Qalbingga quloq sol

3. Aʼzo boʻlmoq, qoʻshilmoq.

Boʻtaboy partizan otryadiga koʻngilli boʻlib yozildi. — S. Ahmad, Hukm

Inobat tavakkal qilib, beruxsat yozilib kelaversinmi mexanizatorlikka? Yoʻq, bu onaning raʼyiga qarshi borish-ku! — Oʻzbekiston qoʻriqlari

Bir emas, oʻn balosi boʻlsa-da, men shirkatga yozilmoqchiman. — S. Siyoyev, Yorugʻlik

4. Bayon qilinmoq, ifodalanmoq.

Maqola ommabop, ravon va sodda tilda yozilgan edi. — F. Musajonov, Himmat

1. Yozma asar yaratmoq.YAZILMAK

2. Taqdir etmoq.

3. Charchoqni tarqatmoq.

4. Tahorat etmoq.İŞEMEK

страд. и возвр. от yozmoq 1. записываться

2. подписываться

biz gazeta va jurnallarga yozildik мы подписались на газеты и журналы.

1. страд. от ёзмоқ II, расстилаться (быть расстилаемым), раскрывать, разложить

polga gilam yozilsin расстелить ковёр на пол

yozda yozilasan, qishda yigʻilasan летом всё разложишь, зимой всё подберёшь; соотв. лето – припасиха, зима – подбериха

2. распутываться

ipning chigali yozildi нитка распуталась

v 1. be written

2. register

3. spread

4. become (get) disentangled (undone, untwined), come untangled

ipning chigali yozildi the thread became untwined

1. (auf) geschrieben werden

2. (ro‘yxatga) sich einschreiben, sich eintragen