ёзилмоқ

yozilmoq

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ёзилмоқ И

фл. 1. 1 Ёзмоқ И 1, 2, 3 феълининг ўзлик ва мажҳул нисбатлари.

Дастурхон ёзилиб, тушлик чой келди. — А. Қодирий, Ўтган кунлар

Оёғинг ёʻлга тушсак, ёзилиб кетади. — А. Қаҳҳор, Хотинлар

Гулсапсар, жамбилларинг ёзилган қат-қат. — Ғайратий

Кун ботиш томондан осмонга пушти қизил шуъла ёзилган эди. — П. Турсун, Ўқитувчи

2. Хурсанд бўлмоқ, кайфияти кўтарилмоқ; чарчоқни тарқатмоқ, ташвишни ёʻқотмоқ, яйрамоқ.

Онанинг гина-кудурати саратон ёмғиридек тез ўтиб бўлган эди. У ёзилиб, қизи билан овқатланди. — Шуҳрат, Шинелли йиллар

Ашур Мирзо қизининг отини эшитиш билан ёзилиб кетди. — М. Исмоилий, Фарғона тонг отгунча

Энди бир шаҳарга тушиб, уч-тўрт кун ёзилиб келсам жуда-жуда сиқилиб кетдим. — А. Қаҳҳор, Қўшчинор чироқлари

3. Бемалол ўтирмоқ, ўзини эркин тутмоқ.

[Меҳри:] Диссертация ҳам бор бўлсин. Келганига ярим ойдан ошди-ю, ёзилибгина бир дам олмабди! — О. Ёқубов, Песалар

Бемалолроқ ёзилиб ўтиринг! Зап кўчиб келдингиз-да! Сизни зериктирмаймиз. — Ҳ. Ғулом, Машъал

4. Таҳорат олмоқ, бўшалмоқ.

Отамурод ёзилиб келиб, бир ҳафтадан бери биринчи марта пақирдаги қудуқ сувидан соқол босиб кетган юзини пишиб-пишиб ювиб, бир маза қилди. — М. Мансуров, Ёмби

Кўнгли (ёки юраги) ёзилмоқ Кайфияти яхши бўлмоқ. — Икки оғиз гаплашса, ақалли ўзини кўрса ҳам, кўнгли ёзилади-ку, — деди Шербек. — С. Анорбоев, ОқсойЮрагинг ёзил-син, деб томошага олиб келяпман [деди Отамирза]. — Х. Тўхтабоев, Фелетондан кейин

ёзилмоқ ИИ

фл. 1. Ёзмоқ ИИ феълининг мажҳул ва ўзлик нисбатлари.

Хат ёзилди. Ҳикоя ёзилди.

Анвар қўлидаги ёзилган қоғозни қўйиб, иккинчи оқ қоғозни олди. — А. Қодирий, Меҳробдан чаён

Шогирд адреслар ёзиладиган дафтарга имо қилди. — Т. Ашуров, Оқ от

2. Аталмоқ, бағишланмоқ.

— Шеър бизга ёзилмай, кимга ёзилган бўлсин ахир, — деди — Жўрахон. Назармат, Жўрлар баланд сайрайди

— Мана шу ашула сиз учун ёзилган — Алимардоннинг овози негадир титраб кетди. — Ў. Ҳошимов, Қалбингга қулоқ сол

3. Аъзо бўлмоқ, қўшилмоқ.

Бўтабой партизан отрядига кўнгилли бўлиб ёзилди. — С. Аҳмад, Ҳукм

Инобат таваккал қилиб, берухсат ёзилиб келаверсинми механизаторликка? Ёʻқ, бу онанинг раъйига қарши бориш-ку! — Ўзбекистон қўриқлари

Бир эмас, ўн балоси бўлса-да, мен ширкатга ёзилмоқчиман. — С. Сиёев, Ёруғлик

4. Баён қилинмоқ, ифодаланмоқ.

Мақола оммабоп, равон ва содда тилда ёзилган эди. — Ф. Мусажонов, Ҳиммат

Мақоладаги хато ҳақида хабар бериш